UP-ah School van leh Rel insu; zirlai 13 boral nghal

Aizawl April 25, 2018 : Uttar Pradesh a Kushinagar-ah zirlaite chuanna motor (van) chu tukin dar 7:10 vel khan relin a su a, zirlai 13 an boral nghal.

Zirlaite chuanna motor Van-ah hian zirlai 25 vel an chuang a, heng zirlaite hi Divine Mission School zirlaite niin class kal tura an kalna kawngah he vanduaina hi an tawk ta a ni.

Tualchhung mi thenkhat chuan zirlaite chuanna van khaltu chu rel kawng thlen dawnah hian ding tura an auh thu an sawi a. Amaherawhchu, driver a din meuh chuan rel kawngah a lo awm tawh a, rel lo tlan chuan a rawn su ta nghal a ni. Zirlai 13 a hmuna an thih bakah hian zirlai 8 an hliam bawk a, heng zirlai hliam tuarte hi damdawiin lamah hruai nghal an ni.

Chief Minister Yogi Adityanath chuan zirlai boral tate ral nan cheng nuai 2 theuh pek an nih tur thu a sawi a. District thuneitute pawh a tul dan ang ang a chak taka hma la turin a hriattir nghal bawk.