Messi vs Ronaldo: World Cup-a an sulhnu

Tunhnai kum 10 chhunga khawvela footballer tha ber pahnih chu Lionel Messi leh Cristiano Ronaldo an ni a, vawi nga ve ve player tha ber chawimawina (Ballon d’Or/FIFA Best Player) an dawng tawh a ni.

Hetiang dinhmuna an din avang hian kumin World Cup khelh turah pawh en bik an hlawh leh dawn a, an chetdan thlir chakin mi zawng zawngin Russia lam kan hawi thup dawn a ni.

Vawi engzat nge an khelh tawh?

Messi leh Ronaldo hian World Cup vawi thum ve ve an khel tawh a, kumin hi vawi li an khelhna tur a ni. Kum 2006-a Germany-a World Cup khelh kha an inlanna hmasa ber niin, 2010 (South Africa) leh 2014 (Brazil) ah te an inlan leh a, nomawi erawh an la chawi lo ve ve thung.

World Cup an khelh tawhah Messi che tha zawkin quarter final vawi hnih (2006 & 2010) a khelh bakah, final (2014) a khel tawh bawk. Ronaldo thlen san ber hi kum 2006-a pali-na an nih kha a ni a, kum 2010-ah round of 16 thlengin, 2014-ah erawh group stage an paltlang lo thung.

Ram tan vawi engzat nge an khelh?

Ronaldo hian World Cup match 13 a khel tawh a, an ram (Potugal) tana World Cup khel hnem ber a ni mek. Messi hian match 15 khel tawhin, an ram (Argentina) tana khel hnem panga-na a ni a, ram tana khel hnem ber match 21 khel tawh Diego Maradona khum turin kumin hian final a thlen leh ngei a ngai ang.

An khelh zat, goal leh assist an neih dan

Germany World Cup 2006

  • Lionel Messi : Caps – 3, Goal – 1, Assist – 1
  • Cristiano Ronaldo : Caps – 6, Goal – 1, Assist – 0

South Africa World Cup 2010

  • Lionel Messi : Caps – 5, Goal – 0, Assist – 1
  • Cristiano Ronaldo : Caps – 4, Goal – 1, Assist – 1

Argentina’s Lionel Messi reacts after losing to Germany in their extra time in their 2014 World Cup final at the Maracana stadium in Rio de Janeiro July 13, 2014. (Eddie Keogh/Reuters)

Brazil World Cup 2014

  • Lionel Messi : Caps – 7, Goal – 4, Assist – 1
  • Cristiano Ronaldo : Caps – 4, Goal – 1, Assist – 1

TOTAL

  • Lionel Messi : Caps – 15, Goal – 5, Assist – 3
  • Cristiano Ronaldo : Caps – 13, Goal – 3, Assist – 2

Russia-ah hian tunge che tha zawka i rin le?

%d bloggers like this: