Bill Gates-a chanchin ngaihnawm

Generated by IJG JPEG Library
  • Bill Gates hian kum 30 a tlin huna Millionaire nih hman ngei a tum a, a thiltum hi a ti hlawhtling chiang khawp a, kum 31 a nihin Millionaire mai ni lovin Billionaire a ni hman daih!
  • Amah Bill Gates-a hi eng ram emaw chu ni se, khawvel ram hausak dan indawtah 63-na a ni ang.
  • Bill Gates-a hian fa 3 (hmeichhia pahnih leh mipa pakhat) a nei a, heng a fate hian an pa hausakna US $ 91 billion (as on January 2018) vel atang hian US $ 10 million theuh bak an rochun dawn lo!
  • Kum 1977 khan New Mexico-ah red light a paltlang luih avang leh driving license nei lova motor a khalh avangin an lo man ve tawh ngei!
  • Khawvela mi ropui hriat hlawh tak tak – Abraham Lincoln, Walt Disney, Bill Gates, Mark Zuckerberg, Henry Ford, Thomas Edison leh Steve Jobs-te ho hian College degree pangngai an nei miah lo! Bill Gates pawh hian kum 1975 khan a zirna Harvard University a chhuahsan a, Microsoft lamah a inpumpek ta daih a ni.
  • Bill Gates hi mi hausa tawntaw a nih tawh hnu, US$36 billion zet a neih tawh hnu, kum 1997 thleng khan thlawhnaah pawh business class-ah a chuang ngai lo a. Class hniam ber, coach class an tih mai, mi nawlpui zinna thinah hlir a la zin ve thin!
  • Bill Gates-a’n charity atana a sum thawh tawh zawng zawng hi US $ 28 billion chuang a ni tawh.
  • Kumtin property tax atan $ 1 million chuang a pe ziah thin.
  • Restaurant-a a chawlhna pakhatah tips atan dollar 2 a pe a. Waiter chuan, “Niminah i pafa chuan tips atan dollar 100 lai min pe a, nangmah zawkin dollar 2 chauh min pe a…” a ti he haw a. Bill Gates chuan, “A ni chu Billionaire fapa a nia, kei chu loneitu fapa ka nia” a ti daih!
  • Bill Gates hian foreign language engmah thiam a nei lo.
  • Bill Gates hian kumtin lehkhabu 50 tal a chhiarchhuak thin a, “Ka hriatna enchhin nan leh thil thar zir nan bera ka hman a ni” a la ti fan.
%d bloggers like this: