Teachers’ Day Special : ABRAHAM LINCOLN-A LEHKHATHAWN

Zirtirtu zahawm tak,

Ka fapa hian mi zawng zawng hi an fel famkim vek bik lo a ni tih hi hria se ka duh a. Amaherawhchu, chutiang mi fel famkim lo, laktlak loh tak tak nia kan ngaihte zingah pawh chuan mi ropui tak tak an awm ve thei tho a ni tihte hi lo zirtir ta che. Mahni tanghma chauh ngaihtuah ni a kan hriat politician-te zingah pawh hian hruaitu ropui tak an awm thei tih lo zirtir la, hmelma ni a kan ngaihte zingah pawh thian tha an awm thei a ni tihte hi lo zirtir ang che.

Hun chu a duh deuh ang tih hre mah ila, i theih phawt chuan pound nga chhar aiin dollar khat hlawhchhuah a hlu zawk a ni tihte hi lo zirtir teh.

Image result for Abraham Lincoln's letter to teacher

Chaklo zawk tan dan thiam tur leh hnehtu nih changa lawm dan tawk thiam turin lo zirtir la, midangte itsik ngailo turin lo kaihruai bawk ang che.

Bengchheng lova nuih dan thuruk lo hrilh la, midangte tihduhdah ching takte hi mawilo taka mi hriat reng hlawhna awlsam tak a ni tihte nen.

Lehkhabu ropuizia leh makzia hi lo hrilh la, vansang a thlawk thin savate, parzu dawt thin khuaite leh tlangram hring dup hmun a pangpar mawi tak takte ropuina thuruk chu a ngaihtuah chhuah theih nan hun thawl lo siam sak ang che.

Entawn a pass aiin fail ngam a ropui zawk a ni tih lo zirtir bawk rawh. A ngaihdan a siamfel tawhnaah chuan midangten sawisel mah se nghet taka a din theih nan lo zirtir bawk ang che.

Mi zaidam takte kianga zaidam taka a awm thiam theih nan leh mi chak takte kianga chak taka a awm theih nan lo zirtir la. Mi tam zawkte ngaihdan leh tihdan apiang hi a dik vek kher lo a, zawm a ngai vek kher lo tihte hi lo zirtir ang che.

Mite thusawi tha taka dawngsawng thin turin zirtir la, amaherawhchu, a dik leh dik lo thliar thiam a, zawm tur a hriatthiam theih nan lo zirtir ang che.

Lungngaih lai pawha hlim dan thuruk chu lo hrilh la, mittui tlak hi a zahthlak loh a ni tih lo hrilh bawk rawh. Mi kherkhiap lutukte endan tawk thiam turin fuih la; pawnlang mawina laka inveng thiam turin zirtir ang che.

Image result for Abraham Lincoln's letter to teacher

A chakna leh thiamnate chu a ngam huai ber hnena hralh mai turin lo hrilh la; a thinlung leh thlarau erawh a man chhiar ngai suh se. Dik ni a a hriatah chuan mipui sahawk karah pawh nghet taka ding a hmalam a pan theih nan huaisenna nei turin lo fuih rawh. Zawldawh takin lo enkawl la, hrem a tul chuan lo hrem hreh hlek suh; meipui sa tak a paltlang hnuah chauh a nia kahpathir pawh hi siamchhuah a nih thin ni.

Nghakhlel tak leh dawhthei taka a awm thiam theih nan huaisenna nei turin lo zirtir la. Mahni inrintawkna nei turin lo zirtir ang che; a mihring zahawmna a vawn nun reng theih nan!

Mawhphurhna ka pek che hi a rit hle tih ka hria, mahse i thei ngei ang tih ka ring tlat a ni. I zirlai naupang kha ka fapa a ni a, naupang duhawm tak a nih kha.

– Abraham Lincoln

Be the first to comment on "Teachers’ Day Special : ABRAHAM LINCOLN-A LEHKHATHAWN"

Leave a comment

Your email address will not be published.


*