World Cup an tan dawn ta

Infiamna hrang hrang zinga team anga khelh chi te hian khawvela huapa tournament an khelh hi ‘World Cup’ tiin an sawi thin a, Hockey World Cup, Cricket World Cup, Basketball World Cup, Football World Cup leh chi hrang tam tak a awm. Heng zinga ropui leh ngaihhlut hlawh ber chu Football World Cup hi a ni a, World Cup tih ringawta sawi anih pawn Football an sawina hi a ni ber thin.

World Cup hi…

Kum 1930 khan khawvela football thuneitu sang Fédération Internationale de Football Association (FIFA) chuan an hnuaia inziak lut ram te inel nan World Cup hi a buatsaih tan a, mipa (senior) team te inelna a ni. An dintirh atang hian kum 4 dan zelah an khel thin a, Indopui pahnihna vangin kum 1942 leh 1946 kha an khel thei lova, hemi tih loh chu tluang takin kum 4 danah an la khel thei zel a ni.

World Champion-Uruguay-1930

World Cup hmasa ber (1930) hi Uruguay ramah khelh niin, ram 13 an tel a, a thlengtu Uruguay  hi champion hmasa ber an ni. Kum 1954 atang khan ram 16 tel turin mumal taka kalpui tan a ni a, hemi hma hian a chang leh ram 14, a changin ram 15 leh 16 te an tel nawk thin a ni. Kum 1982-ah ram 24 tel thei turin an ti lian leh a, kum 1998-ah ram 32 tel thei tura tihlen leh niin tun thlengin an la kalpui a,  kum 2026-ah chuan ram 48 tel tura ruahmanna siam tawh a ni bawk.

FIFA World Cup Trophy

Vawi 21-na..

Kumin hi World Cup vawi 21 an khelhna tur chiah a ni a, June 14 atanga July 15 thleng khelh a ni ang. (Group stage fixtures en duh tan https://hillsgate.in/fifa-world-cup-2018-group-stage-fixtures/ Kumin World Cup khel tur ram 31 te hi fiahna hautak tak paltlang te an ni a, Russia erawh a thlengtu an nih avangin direct-a khelh tir an ni thung. Russia rama khawpui hrang hrang 11 – Kaliningrad, Kazan, Moscow, Nizhny Novgorod, Rostov-on-Don, Saint Petersburg, Samara, Saransk, Sochi, Volgograd, leh Yekaterinburg-ah te an khel dawn a, a hawnna leh final khelhna tur hi Russia rama stadium lian ber, mi 81,000 lenna Luzhniki Stadium, Moscow a ni.

Luzhniki Stadium, Moscow

Ram tel turte

FIFA hnuaiah hian khawmualpui hrang hrang hi hmun rukah thendarh a ni a, chungte chu- Asian Football Confederation (AFC), Confederation of African Football (CAF), Confederation of North, Central American and Caribbean Association Football (CONCACAF), Confederación Sudamericana de Fútbol (CONMEBOL), Oceania Football Confederation (OFC) leh Union of European Football Associations (UEFA) te an ni.

The official FIFA Wrorld Cup Russia 2018 adidas matchball Telstar (Photo by Alex Grimm/Bongarts/Getty Images)

Kumin World Cup-ah hi federation panga aiawh ten an khel dawn a, OFC aiawh khel tur an awm lo. Heng zingah hian UEFA chuan thawhhnem berin ram 14 an thawh a, AFC, CAF leh CONMEBOL (South America) ten ram panga theuh thawhin, CONCACAF-in ram 3 an thawh ve bawk.

Group hrang hrang leh player khel turte, World Cup-a an thlen chin en duh tan… https://hillsgate.in/2018-world-cup-team-leh-player-te/

Federation hrang hrang atanga tel turte leh FIFA ranking-a an dinhmun

AFC 
Australia (36)
Iran (37)
Japan (61)
Saudi Arabia (67)
South Korea (57)

CAF
Egypt (45)
Morocco (41)
Nigeria (48)
Senegal (27)
Tunisia (21)

CONCACAF
Costa Rica (23)
Mexico (15)
Panama (55)

CONMEBOL
Argentina (5)
Brazil (2)
Colombia (16)
Peru (11)
Uruguay (14)

UEFA
Belgium (3)
Croatia (20)
Denmark (=12)
England (=12)
France (7)
Germany (1)
Iceland (22)
Poland (8)
Portugal (4)
Russia (70)
Serbia (34)
Spain (10)
Sweden (24)
Switzerland (6)

%d bloggers like this: