Sampras umpha tu Djokovic : US Open 2018 thlirletna

Tennis inelna ngaihhlut hlawh Grand Slam pali zinga an khelh hnuhnun ber US Open chu nizan khan khelh zawh a ni a, mipa (single)-ah Serbian Novak Djokovic a champion.

Tennis-ah hian kumkhat chhungin grand slam pali an khel thin a, grand slam karlakah ATP/WTA tours hrang hrang khelin, kum tawpah a thiam zual pariat ten ATP/WTA tour finals an khel leh thin a ni. ATP (Association of Tennis Professionals) hi mipa tennis player te sawina a ni a, WTA  (Women’s Tennis Association) hi hmeichhe lam an ni ve thung.

Grand Slam pali zingah Australian Open hi khelh hmasak ber niin January thla laihawlah an khel a, French Open-in dawtin May thla tawp leh June thla tir lam thleng an khel thin. July thlaah Wimbledon khel lehin, August thla tawp atanga September thla tir lam thleng US Open an khel leh thin a ni.

US Open 2018

US Open vawi 138 an khelhna niin, August 27 khan  USTA Billie Jean King National Tennis Center (Flushing Meadows–Corona Park), New York City-ah khelh tan a ni a, nimin (September 9) khan zawh fel a ni. Kuminah hian hmeichhe lamah rin loh takin World No.19 nilai, thla thara kum 21 tling chauh tur Japanese Naomi Osaka chu a champion a, grand slam final vawikhat a khelhnaah kum 37 a upa Serena Williams chu  6-2, 6-4 in an hneh.

Inelna ngaihhlut hlawh ber mipa inelnaah World.no 3 Novak Djokovic chuan Argentine Juan Martin Del Potro chu 6-3, 7-6 (7-4), 6-3 a hnehin a champion a, grand slam-a vawi 14 a champion na chiah a ni. Djokovic hian American hranghlui Pete Sampras a nihrual a, Roger Federer leh Rafael Nadal chiah tluk loh a nei tawh. Kum 31 a upa a ni ve tawh a, a chunga mite hi umpha thei tak ang maw.!

Most Grand Slam titles – men’s singles
20 Roger Federer (Swi)
17 Rafael Nadal (Spa)
14 Novak Djokovic (Ser), Pete Sampras (US)
12 Roy Emerson (Aus)

Mipa leh hmeichhia bakah hian inelna hrang hrang Mens/Womens/Mixed double, Boys/Girls single leh double bakah, wheelchair a thute tan inelna buatsaih a ni bawk.

Inelna hrang hranga champion te:

Men’s Singles
Serbia Novak Djokovic
Women’s Singles
Japan Naomi Osaka
Men’s Doubles
United States Mike Bryan / United States Jack Sock
Women’s Doubles
Australia Ashleigh Barty / United States CoCo Vandeweghe
Mixed Doubles
United States Bethanie Mattek-Sands / United Kingdom Jamie Murray
Boys’ Singles
Brazil Thiago Seyboth Wild
Girls’ Singles
China Wang Xiyu
Boys’ Doubles
Bulgaria Adrian Andreev / United Kingdom Anton Matusevich
Girls’ Doubles
United States Cori Gauff / United States Caty McNally
Wheelchair Men’s Singles
United Kingdom Alfie Hewett
Wheelchair Women’s Singles
Netherlands Diede de Groot
Wheelchair Quad Singles
Australia Dylan Alcott
Wheelchair Men’s Doubles
United Kingdom Alfie Hewett / United Kingdom Gordon Reid
Wheelchair Women’s Doubles
Netherlands Diede de Groot / Japan Yui Kamiji
Wheelchair Quad Doubles
United Kingdom Andrew Lapthorne / United States David Wagner

 

Be the first to comment on "Sampras umpha tu Djokovic : US Open 2018 thlirletna"

Leave a Reply

This site uses Akismet to reduce spam. Learn how your comment data is processed.

%d bloggers like this: