Modric hian Ballon d’Or a phu ber – Hazard

Belgium captain leh Chelsea innghahna Eden Hazard chuan kum 2018 Ballon d’Or dawn phu ber chu Luka Modric niin a sawi. Hazard chuan chanchinbu mite zawhna chhangin Ballon d’Or dawng thei tur chu player pali panga vel an awm thei tih sawiin, heng zingah hian French defender Raphale Varane pawh a phu ber pawla a ngaih thu a sawi a, mahse, Modric aia he lawmman dawn phu a hriat loh thu a sawi thung.

Eng nge Ballon d’Or?

1993 Ballon d’Or winner Roberto Baggio

France rama weekly magazine pakhat France Football-in season khat chhunga player che tha ber hnena an hlan thin a ni a, kum 1956 atanga sem tan a ni. Kum 2010 atanga 2015 chhung bik kha FIFA nen tangkawpin FIFA Ballon d’Or tih hming vuah a ni a, a bak zawng chu France Football-in an kalpui a ni.

Modric tan kum tha..

Kum 33 a upa Croatia leh Real Madrid rinrawl Luka Modric hian season liamta kha ropui takin a khel a, UEFA Champions League-ah Real Madrid champion puiin, FIFA World Cup-ah an ram chu final a hruai thleng bawk. Word Cup-ah champion zo lo mahse player tha bera thlan niin Golden Ball a dawng a, FIFA pawhin season liamta player tha ber atan thlangin thla hmasa khan FIFA’s Best Men’s Player Award a lo hlan tawh bawk.

UEFA President Aleksander Ceferin presents Real Madrid’s Luka Modric with the UEFA Men’s Player of the Year award

FIFA bakah hian Europe ramchhunga football thuneitu sang UEFA chuan season liamta (2017-18) a player tha ber atan Luka Modric hi thlangin, UEFA Men’s Player of the Year Award an lo hlan tawh bawk. Kum 10 dawn Lionel Messi leh Cristiano Ronaldo ten mimal chawimawina an indawn chhawk hnuah Luka Modric hmel kan hmu a, Ballon d’Or-ah Messi leh Ronaldo a luahlan leh thei anih ngat chuan kum lama vanglai pel tawh Luka Modric ropuina zual ngei ang.

Kum 2018 Ballon d’Or dawng thei tura chhawpchhuah mi 30 te:

  1. Sergio Aguero (ARG / Manchester City)
  2. Alisson (BRA / Liverpool)
  3. Gareth Bale (WAL / Real Madrid)
  4. Karim Benzema (FRA / Real Madrid)
  5. Edinson Cavani (URU / PSG)
  6. Thibaut Courtois (BEL / Chelsea)
  7. Cristiano Ronaldo (POR / Juventus)
  8. Kevin De Bruyne (BEL / Manchester City)
  9. Roberto Firmino (BRA / Liverpool)
  10. Diego Godin (URU / Atlético Madrid)
  11. Antoine Griezmann (FRA / Atlético Madrid)
  12. Eden Hazard (BEL / Chelsea)
  13. Isco (SPA / Real Madrid)
  14. Harry Kane (ENG / Tottenham)
  15. N’Golo Kanté (FRA / Chelsea)
  16. Hugo Lloris (FRA / Tottenham)
  17. Mario Mandzukic (CRO / Juventus Turin)
  18. Sadio Mané (SEN / Liverpool)
  19. Marcelo (BRA / Real Madrid)
  20. Kylian Mbappé (FRA / PSG)
  21. Lionel Messi (ARG / FC Barcelone)
  22. Luka Modric (CRO / Real Madrid)
  23. Neymar (BRA / PSG)
  24. Jan Oblak (SLO / Atlético Madrid)
  25. Paul Pogba (FRA / Manchester United)
  26. Ivan Rakitic (CRO / Barcelona)
  27. Sergio Ramos (ESP / Real Madrid)
  28. Mohamed Salah (IRN / Liverpool)
  29. Luis Suarez (URU / Barcelona)
  30. Raphale Varane (FRA / Real Madrid)

Be the first to comment on "Modric hian Ballon d’Or a phu ber – Hazard"

Leave a comment

Your email address will not be published.


*


This site uses Akismet to reduce spam. Learn how your comment data is processed.