Hmeichhe infiammi sum lalut hnem te

Forbes chuan kumkhat chhung (June 2017-June 2018) a hmeichhe infiammi sum lalut hnem (Top 10) an tarchhuak a, Tennis superstar Serena Williams chu pakhatna a ni.

Sum lalut hnem teh naah hian an inkhelh atanga an hlawhchhuak bakah, pawnlam atanga sum an hai luh chhut a ni a, Tennis player nilo pahnih Indian shuttler P.V Sindhu leh race car driver Danica Patrick chiah an lang pha a ni.

The Highest-Paid Female Athletes 2018

1. Serena Williams — Total earnings: $18.1 million

Western & Southern Open - Day 4

Prize money: $62,000, Endorsements: $18 million

Williams hian May thla khan ama fashion collection Serena tih chu bul a tan a, thawmhnaw hrang hrang an siam atang leh HSN leh Nike atangin sum tam tak a hailut a ni.

2. Caroline Wozniacki — Total earnings: $13 million

Day Three: The Championships - Wimbledon 2018Prize money: $7 million, Endorsements: $6 million
World No.2 Wozniacki hian Adidas, Rolex, Usana, Babolat ,Ovvo Optics leh company hrang hrang atangin sum a hailut a, a thiamna leh a duhawmna hmangin sum lamah a buai lo hle.!

3. Sloane Stephens — Total earnings: $11.2 million

Rogers Cup Montreal - Day 5Prize money: $5.7 million, Endorsements: $5.5 million

WTA ranking-a number 3 nimek american Stephens hian Nike, Mercedes-Benz, Rolex, Colgate, Chocolate Milk leh Biofreeze atangin sum thahnem tak a hailut a, hmeichhe tennis player zinga beiseiawm ber pawl ni mekin, a sum hailuh pawh la pung zel tura ngaih a ni. Williams unau thlak thei tura american ten an beisei a ni mek.

4. Garbine Muguruza — Total earnings: $11 million

Nature Valley Classic - Day FourPrize money: $5.5 million, Endorsements: $5.5 million

Spanish Muguruza hi WTA Ranking-ah 12-na a nimeka, Adidas leh Rolex atangin sum hlawm a dawng tam ber a, Babolat, Beats by Dre, Rolex, Maui Jim sunglasses leh Caser Seguros insurance ten an sponsor bawk.

5. Maria Sharapova — Total earnings: $10.5 million

2018 French Open - Day Eleven

Prize money: $1 million, Endorsements: $9.5 million

Court chhungah hlawh chhuak tam tawh lo mahse, a hmelthatna avangin Sharapova hian sponsor tu a tlachham lo hle a,  nikum lawk khan UBS nen thawhdunna lian tham tak nei tharin, a hmaa sponsor tute Nike, Head, Porsche leh Evian atangin sum a hailut reng bawk. Heng bakah hian a sumdawnna Sugarpova brand chu Hudson Group leh SBE Hotel Group te nen thawk hoin, ram hrang hrang 22-ah a brand hi chhawpchhuah a ni a, heta tang hian kum lo awm leh tur chhung hian $20 million zet lalut tura chhut a ni.

6. Venus Williams — Total earnings: $10.2 million

Day Three: The Championships - Wimbledon 2018Prize money: $4.2 million, Endorsements: $6 million

Chuaitheilo Venus hian Mit (eye) tha lo damdawi siamtu Alcon tan awareness campaign neiin U.S-ah nasa takin hma a la a, heta tang hian sum thahnem tak a hailut a ni. Venus hian tennis chawlhsan mai a la tum lova, kum 2020 Olympic-ah inlan a la tum.

7. P.V. Sindhu — Total earnings: $8.5 million

Yonex Hong Kong Open Badminton Championships 2016 - Day 4Prize money: $500,000, Endorsements: $8 million

Tennis player ni lo zinga sum lalut hnem ber Indian badminton player hian 2016 Summer Olympic-a silver medal a lak hnuin sum a lalut tam zual a, Bridgestone, Gatorade, Nokia, Panasonic, Reckitt Benckiser bakah brand tam takin an model atan an hmang mek. Heng bakah hian Central Reserve Police Force leh Vizag Steel ten brand ambassador-ah an hmang a, an state sorkar atangin sum tam tak a dawng bawk.

 

8. Simona Halep — Total earnings: $7.7 million

Western & Southern Open - Day 7Prize money: $6.2 million, Endorsements: $1.5 million

World No.1 Romanian hi sum lalut hnem tarlan zingah endorsement atanga sum lalut tlem ber a ni a, a sum lakluh tam zawk hi court chhunga a hlawhchhuah a ni. Nikum khan Adidas nena an thawhdunna a tawp a, heivang hian pawn lam atanga a sum lakluh pawh a tlem phah deuh a ni. Mahse tunah chuan Nike nen tawkdunin, kum khat hnuah chuan court pawnlam atanga a sum lakluh pawh a pung leh ang.

9. Danica Patrick — Total earnings: $7.5 million

Monster Energy NASCAR Cup Series 60th Annual Daytona 500Salary/prize money: $3 million, Endorsements: $4.5 million

Hmeichhe zinga race car driver hlawhtling ber Patrick hian nikum khan car khalh chawlhsan mahse, nikum tawp lam thlaruk chhunga a hlawh leh,  thawmhnaw a siamchhuah ‘Warrior by Danica Patrick’ atang te, a lehkhabu ziah ‘Pretty Intense’ atangin sum tam tak ala lalut a ni.

10. Angelique Kerber — Total earnings: $7 million

Western & Southern Open - Day 5Prize money: $3 million, Endorsements: $4 million

Wimbledon champion lai World No.4 German tennis player hian Adidas atangin sum a lalut tam a, company dang Generali, Porsche, Rolex, SAP leh Yonex atangin a lalut nual bawk. Tuna a sum lakluh tarlanah hian, thla hmasa lawka Wimbledon champion a niha a dawn $3.3 million kha chhut tel a ni lo thung.

Forbes hian June thla khan infiammi sum lalut hnem top-100 a lo tichhuak tawh a, hmeichhe sum lalut hnem ber hi top-100 ah hian a lang pha lo. Infiammi sum lalut hnem en duh tan Infiammi sum lalut hnem Top-100

Be the first to comment on "Hmeichhe infiammi sum lalut hnem te"

Leave a comment

Your email address will not be published.


*


This site uses Akismet to reduce spam. Learn how your comment data is processed.