FIFA Country Code

Football a thuneitu sang Fédération Internationale de Football Association (FIFA) hian an hnuaia ram hrang hrangte hi an hming ziah dan tur (code) a nei hrang vek a, hemi atan hian hawrawp pathum hman thin a ni.

FIFA code hi trigramme emaw trigram tiin an sawi bawk a, ram pakhat hminga hawrawp hmasa pathum an hmang ber thin a ni. Entirnan, Argentina code atan chuan hawrawp hmasa pathum ‘ARG’ tih an hmang a, hetiang hian ram tam zawk pawh code siam an ni. Hetihlai hian ram hming chu word khat aia tam anih chuan, a tir theuha hawrawp kha code atan an hmang thin bawk. Entirnan, United Arab Emirates-ah hian word tina hawrawp hmasa ber theuh lain ‘UAE’ tih chu code atan hman a ni. USA, etc,.

Ram hrang hrang code te hi FIFA hnuaia inelna hrang hrangah ram hming chhinchhiah nan hman a ni a, scoreboard-a ram hming tar te, inkhel tur (fixture) tar naah te an hmang thin.

Kumin (2018) World Cup-ah hian ram hming (code) ziah dan leh an ram hming pangngai in mil lova ngaih theih a awm nual a, a langsar deuhte sawifiah ang. Iceland hian FIFA code-ah ‘ISL’ tih an hmang a, a chhan chu French tawngin an ram hi “Islande” tih a ni a, FIFA Code-ah hian French spelling an hman vangin ‘ISL’ tih an ni ta a ni. Hetiang chiah hian Switzerland  leh Spain paw’n French ziah dan an hmang a, Switzerland hi French chuan ‘Suisse’  tih a ni a, code atan ‘SUI’ tih an hmang a. Spain pawh French chuan ‘Espagne’ a ni a, code atan ‘ESP’ tih an hmang ve bawk. Saudi Arabia pawh ‘KSA’ tih a ni a, a chhan chu an ram hming diktak hi Kingdom of Saudi Arabia (KSA) anih vang a ni.

2018 World Cup khel ram hrang hrang code:

  1. ARG: Argentina
  2. AUS: Australia
  3. BEL: Belgium
  4. BRA: Brazil
  5. COL: Colombia
  6. CRC: Costa Rica. (C hmasa zawk hian ‘Costa’, R hian ‘Ri’ leh C hnuhnungin ‘ca’)
  7. CRO: Croatia
  8. DEN: Denmark
  9. EGY: Egypt
  10. ENG: England
  11. FRA: France
  12. GER: Germany
  13. ISL: Iceland.
  14. IRN: Iran. ( International Olympic Committee country code-ah Iran hi “IRI,” tih a ni a, a awmzia chu “Islamic Republic of Iran.” tih a ni. FIFA code-ah chuan Iran tih laia “a” paih niin, ‘IRN’ hman a ni.
  15. JPN: Japan.
  16. KOR: South Korea. ( FIFA hnuaiah South Korea hi “Korea Republic national football team.” tiin chhinchhiah a ni a, code atan word hmasa bera hawrawp pathum ‘KOR’ tih hman a ni. North Korea hi “Democratic People’s Republic of Korea” tih niin, code atan ‘PRK’ an hmang thung.
  17. MEX: Mexico
  18. MAR: Morocco (French tawngin Morocco hi Maroc  tih a ni a, code atan MAR an hmang.)
  19. NGA: Nigeria. (Niger ramin code atan “NIG” tih an hman avangin, a aia langsar thei tur a ngaih “NGA” hman a ni)
  20. PAN: Panama
  21. PER: Peru
  22. POL: Poland
  23. POR: Portugal
  24. RUS: Russia
  25. KSA: Saudi Arabia
  26. SEN: Senegal
  27. SRB: Serbia
  28. ESP: Spain
  29. SWE: Sweden.
  30. SUI: Switzerland
  31. TUN: Tunisia
  32. URU: Uruguay

FIFA member ramte leh an code…

https://hillsgate.in/fifa-member-ram-hrang-hrang-leh-code/