Federer lehpel tu Djokovic

Serbian kum 31 a upa Novak Djokovic chu tennis player awm tawh zawng zawng zingah Tennis court atanga sum hlawhchhuak hnem ber a ni a, US Open-a a champion leh avangin sum hlawhchhuah tam-ah hian Roger Federer a lehpel ta a ni.

US Open-a a champion avangin Djokovic hian US dollar maktaduai 3.8 vel a hlawh a, tennis a khelh chhunga a hlawhchhuah zawng zawng (prize money) hi pound maktaduai 92 zet a tling tawh a ni. Sum hlawhchhuak hnem ber ni thin Roger Federer hian pound maktaduai 90.1 a hlawhchhuak tawh bawk.

Court chhung atanga an sum lakluhah Djokovic hian Federer lehpel mahse, court pawn lam atanga sum lakluhah erawh Federer hi a la pha lo hle a, sponsor leh fakna hrang hrang atangin Federer hian pound maktaduai 431.9 zet a lalut tawh a, khawvela infiammi hausa ber 15-na a ni mek. Djokovic erawhin court pawn lam atangin pound maktaduai 54.8 chiah a lalut a, Federer lakah chuan a beitham hle a ni.

Federer leh Djokovic sponsor tu langsar deuh te
Federer Djokovic
Apparel Nike, Uniqlo Lacoste, Asics
Racquet Wilson Head
Other Credit Suisse (Bank), Rolex, Lindt, Barilla pasta, NetJets Seiko, Mercedes Benz, ANZ

Federer hian a career-ah nomawi vawi 98 zet a chawi tawh a, heng zinga 20 hi grand slam a ni. Djokovic hi vawi 71 champion tawh thungin, grand slam bikah vawi 14 a champion tawh bawk. Champion tlem zawk nichung si a sum a lakluh tam chhan lian ber chu Djokovic a vanglai tak tak hi kum 2010 hnu lam a nih vang a ni. Djokovic hian grand slam 14 a lak zinga 13 hi kum 2010 hnua a lak a ni a, a bikin lawmman pun hun lai kum 2011-2016 chhung kha tennis khawvela Djokovic vanglai tak a ni. Hemi chhung hian grand slam 22 zingah vawi 11 ngawt Djokovic hi a champion a, vawi sarih final a lut bawk. Federer erawh hemi chhung hian tournament lian pakhatah chiah a champion thung.

Federer leh Djokovic champion dan:

Tennis-ah hian grand slam (Autralian Open, French Open, Wimbledon, US Open)-ah sum a tam ber a, heng zingah hian US Open hi sum tamna ber niin champion-in USDollar Mtd 3.8 an dawng a, Wimbledon-ah USDollar Mtd 2.9, Australian Open-ah USDollar Mtd 2.8 leh French Open-ah USDollar Mtd 2.5 an dawng thei a ni. (Prize money tarlan hi a chiah chiah a ni lo.

Mipa Tennis player te sum hlawhchhuah tawh zat :

 

 

Be the first to comment on "Federer lehpel tu Djokovic"

Leave a comment

Your email address will not be published.


*


This site uses Akismet to reduce spam. Learn how your comment data is processed.