Champion tur chuan Liverpool leh City chiah- Alan Shearer

Premier League legend Alan Shearer chuan tun season-a premier league nomawi inchuh turin Liverpool leh Manchester City chiah a beisei.

Season kal mekah premier league game 8 khel tawhin Manchester City, Chelsea leh Liverpool ten chak loh an la nei lova, point 20 theuh hmuin table chunglam an awp. Shearer hian City leh Liverpool chu season tawp thlenga table chunglam luah tur leh, nomawi inchuh turin a beisei a, tuna pahnihna nimek Chelsea chu club pahnih tibuai theitu awmchhunah ngai mah se; Eden Hazard-ah an innghah lutuk avangin nomawi chawi turin a beisei sang lo thung.

Game ruk chak zawn mek leh table-a pali na luahtu Arsenal chu season tawpah top-4 a an awm ring chiah lova, Tottenham leh Manchester United-te nen palina nih an inchuh tawk viau turah a ngai. Manchester United phei chu tun atanga nomawi beisei tawh lova, top-4 a lan phak dan kawng zawng char char tawhah a ngai a ni.

Chelsea a beisei…mahse

Liverpool leh City tih lohah Chelsea hi nomawi chuh thei tura a beisei awmchhun an ni a, mahse an thiampuipa Eden Hazard-ah a innghah nasat lutuk avangin season tluana an chet that reng a ring lo thung. Game khelh tawh chinah Hazard hi a che tha fal hle a, goal 7 thun tawhin goal thun hnem ber a ni a, assist pawh vawi 3 lai a nei tawh bawk. Premier League mai ni lo, Europe-a league lian panga zingah Hazard hi goal 10 thawkchhuak hmasa ber a ni.

Shearer rindan hian dikna chen a nei a, Chelsea hian manager thar Sarri hnuaiah game hmuhnawm khelin ball chang tam viau thin mahse goal thun an harsat a, Eden Hazard a inlar loh chuan an reh leh duk thin. Chelsea hian goal 18 thun tawhin, heng zinga goal 10 lai hi Eden Hazard thawhchhuah a ni a, an striker rinrawl pahnih Alvaro Morata leh Oliver Giroud te bakah an player dangte hian Hazard an thlawp zo lo hle. Shearer a rindan hian Hazard awm lo se Chelsea hi an talbuai viau thei a, hetih lai hian Liverpool leh City erawh goal thun thei mai player an kawl hnem avang leh, season hmasa atanga team nghet tak din tawh an nih avangin Chelsea hian an khing pha lo deuh tura rin a ni.

International break an neih avangin tunkar tawpah club football an chawl dawn a, ram leh ram inkhel thenkhat kan en thei ang.

Premier League Table

TEAM GP W D L GD P
1. Manchester City 8 6 2 0 +18 20
2. Chelsea 8 6 2 0 +13 20
3. Liverpool 8 6 2 0 +12 20
4. Arsenal 8 6 0 2 +9 18
5. Tottenham Hotspur 8 6 0 2 +8 18
6. AFC Bournemouth 8 5 1 2 +4 16
7. Wolverhampton Wanderers 8 4 3 1 +3 15
8. Manchester United 8 4 1 3 -1 13
9. Watford 8 4 1 3 -1 13
10. Leicester City 8 4 0 4 +2 12
11. Everton 8 3 3 2 +1 12
12. Burnley 8 2 2 4 -2 8
13. Brighton & Hove Albion 8 2 2 4 -4 8
14. Crystal Palace 8 2 1 5 -4 7
15. West Ham United 8 2 1 5 -5 7
16. Southampton 8 1 2 5 -8 5
17. Fulham 8 1 2 5 -12 5
18. Huddersfield Town 8 0 3 5 -13 3
19. Newcastle United 8 0 2 6 -7 2
20. Cardiff City 8 0 2 6 -13 2

Be the first to comment on "Champion tur chuan Liverpool leh City chiah- Alan Shearer"

Leave a comment

Your email address will not be published.


*


This site uses Akismet to reduce spam. Learn how your comment data is processed.