2017/2018 Premier League khaikhawmna

Premier League 2017/18 chu May 13 (sunday) zan khan khelh zawh a ni a, Manchester City chuan record ropui tak tak siam chungin champion nomawi an chawi.

Nikum August 11 atangin season khelh tan a ni a, match 380 khelin goal 1018 a lut a, match khatah goal 2.68 lut ang zel a ni. Heng zinga goal 32 chu Liverpool forward Mohamed Salah thun a ni a, mimala goal thun hnem ber niin; Premier League chanchina season khat chhunga goal thun hnem record thar a siam bawk.

Champion Manchester City

Pep Guardiola hoa season hnih an hman naah Manchester City an ropui hle a, record thar ropui tak tak siam chungin nomawi an chawi. City hian vawi 38 an khelh atangin vawi 32 zet an chak a, vawi 2 tlawm zawkah tangin, vawi 4 inhnehtawk an nei bawk. City hneh theitu team hi Liverpool leh Manchester United chiah an ni. Manchester City-in premier league record thar an siam te:

  • Chak zawn rei ber – 18
  • Goal thun hnem ber – 106
  • Chak hnem ber : 32
  • Point hmu tam ber : 100
  • Away-a chak hnem ber : 16
  • Away-a point hmu tam ber : 50
  • Goal difference tha ber : +79
  • Pahnihna nena point inthlau ber : 19
  • Champion rang ber : Match 5 khelh tur la awmin an champion a, 2000/01-a Manchester United record an nihrual.

Premier League 2017/18 champion Manchester City

Table

Pakhatna atanga palina ten season tharah UEFA Champions League an khel dawn a, pangana leh parukna ten Europa League group stage an khel nghal dawn. Pasarihna Burnley hian Europa League second qualifying round an khel bawk ang. A hniam pathum Swansea, Stoke City leh West Brom te Championship division-ah an tla thla ve thung.

2017/18 Premier League Table

Season statistics

Top scorers (Top 10)

Top Assists (Top 10)

Clean sheets (Goal chhuah tlem)

Discipline

Yellow Card: Southampton player Oriol Romeu chuan yellow card vawi 11 hmuin a hmu hnem ber a, club-ah chuan West Bromwich Albion leh West Ham United ten vawi 73 ve ve hmuin, yellow card hmu hnem ber club an ni.

Red Card: Wilfred Ndidi (Leicester City) leh Jonjo Shelvey (Newcastle United) ten vawi 2 ve ve an hmu a, anni chiah hi red card vawikhat aia tam hmu an aw. Leicester City chuan vawi 5 an hmu a, red card hmu hnem ber club an ni.

Awards

Monthly awards

Thla tin Player of the Month, Manager of the Month leh Goal of the Month thlan thin a ni a, Pep Guardiola chuan Manager of the Month a zawnin vawi 4 (September-December) a dawng a, premier league record a ni.

Annual awards

PFA Team of the Year : Season tluana player khel tha atangin first 11 tur thlan thin an ni a, mahni position theuh a che tha an thlan te chu hengte hi an ni.

  • Goalkeeper: David De Gea (Manchester United)
  • Defence: Kyle Walker (Manchester City), Nicolas Otamendi (Manchester City), Jan Vertonghen (Tottenham Hotspur), Marcos Alonso (Chelsea)
  • Midfield: David Silva (Manchester City), Christian Eriksen (Tottenham Hotspur), Kevin De Bruyne (Manchester City)
  • Forward: Mohamed Salah (Liverpool), Harry Kane (Tottenham Hotspur), Serigio Aguero (Manchester City)

Player of the Season : Mohamed Salah

Mohamed Salah wins Premier League golden boot.

Playmaker of the Season : Kevin De Bruyne

Golden Glove : David De Gea

Golden Boot : Mohammed Salah

PFA Players’ Player of the Year : Mohamed Salah

PFA Young Player of the Year : Leroy Sane

FWA Footballer of the Year : Mohamed Salah

%d bloggers like this: