Sir Alex Ferguson Story

Inrinni (May 5) zan khan thluaka thisen zam chat vangin hmanhmawh taka zai a ni a, football khawvel a barakhaih hle a nih kha. Tunah chuan a dinhmun hian that lam a pan zel a, intensive care unit (ICU) chhuahsan tawhin Salford Royal Hospital-ah enkawl chhunzawm zel ala ni thung.

‘Sir Alex’ tih ringawt hian rilruah Manchester United a lo lang nghal a, khawvelin Sir Alex a hriatna pawh Manchester United hi a ni ve bawk. Kum 1941, December 31 khan Alexander Sr. leh Elizabeth inkarah Alexander Chapman Ferguson tih hming puin Glascow, Scotland-ah a lo piang a, lawng siam hnathawka eizawng an ni.

Education

A naupan laiin Broomloan Road Primary School leh Govan High School ah te lehkha a zir a, football a tui avangin lehkhazir lam hi a bei ngawrh vak lo thung. Kum 1999 khan  Manchester Metropolitan University atangin masters degree a nei a, kum 2009-ah Honorary Doctorate of Business Administration an hlan leh bawk.

Playing Career

Kum 16 mi lek a nihin a club hmasa ber Queen’s Park Football Club a zawm a, striker niin club hrang hrang paruka a khelh kual hnuin kum 1974 khan football khelh a chawlhsan. A inkhelh lai hian kum 1965-66 season kha a chet that ber tum tih theih a ni a, Dunfermline Athletic tana a khelh lai niin Scottish League-ah goal thun hnem ber a ni.

Managerial Career

Football a chawlhsan hian kum 32 chauh la nimahse manager hna a thawk nghal a, heihi football khawvela a hlawhtlinna bul a tih theih awm e. A club enkawl hmasak ber hi East Stirlingshire a ni a, thla 4 chiah a enkawl hman thung. Hemi hnu hian St.Mirren, Aberdeen leh Scotland national team a enkawl leh bawk. Aberdeen hi hlawhtlinna hrang hrang a chanpui a, heihi Manchester United a enkawl theihna kawng pawimawh tak a ni. Kum 1986, November 6-ah Manchester United manager atan ruat a ni a, hetah hian kum 26 leh a chanve chhung zet a awm a, khawvelin tunge anih a hrechiang zual ta a ni.

Sir Alex hian player tha hmangin football hmuhnawm min hmuhtir ringawt lova, player tha nitura naupang zawk a chher thiamna te, a player neih ang ang te an that dan ber tura khelh tir dan a thiamna te chu a ropuina tizualtu an ni.

Personal Life

Kum 1966 ah Cathy Holding nen an innei a, fapa pathum Mark, Darren leh Jason te an nei. A fapa Darren hi a hnungzuia football manager hna thawk ve a ni a, Doncaster Rovers enkawl mek. Politics lamah Labour Party thlawp tlat tu a ni a, UNICEF-ah United Kingdom Ambassador a ni bawk. Kum 1999-a Manchester United treble champion anih pui khan chawimawi nan ‘knighthood’ pek a ni a, a hming bulah ‘Sir’ dah niin ‘Sir Alex’ tia hriat lar a ni ta a ni.

Awards

Sir Alex hian chawimawina hrang hrang a dawng hnem hle a, chung zinga a langsar zual en hmasa ila:

  • Officer of the Order of the British Empire in 1985
  • Commander of the Order of the British Empire in 1995
  • Knight Bachelor in 1999
  • Freedom of the City of Aberdeen in 1999
  • Freedom of the City of Glasgow in 1999
  • Freedom of the City of Manchester in 2000
  • Freedom of the Borough of Trafford in 2013

Hlawhtlinna a chan hrang hrang te:

Player

St Johnstone
Falkirk
Individual

Manager

St Mirren
Aberdeen
Manchester United

Individual

Orders and special awards