Ronaldo release clause tihniam; a chhuak dawn em ni?

Real Madrid chuan Cristiano Ronaldo release clause chu nasa taka tihniamin, a duh a nih phawt €120 million-in a chhuak thei tawh dawn niin Spanish newspaper thenkhat chuan an report. A contract hnuhnung berah chuan Ronaldo release clause hi €1000 million a ni a, leichhuah tum an awm a nih chuan €1000 million hi an pek a ngaih dawn avangin a chhuak thei lo tluk a ngaih a ni. Amaherawhchu, contract chungchanga an indawr hnuah Real Madrid chuan Ronaldo release clause hi €120 million-ah an tihniam ta ni a report a ni a, hei hi a dik a nih chuan a chhuahna tur kawng thui tak a inhawng dawn ta niin a lang.

Amaherawhchu, Ronaldo hi a chhuak a nih pawhin Spanish Club-ah emaw Paris Saint-Germain-ah emaw kal thei lo tura siam a ni ve thung a. Hei hian Premier League lama kir leh chak em em reng Ronaldo tan kir lehna hun remchang a siam ngei dawn niin a lang.

Ronaldo hi 5 February 1985 a piang niin kum 33 zet a lo ni ve ta a. A kum a upat chhoh ve tak avangin tunhma a game khelh thin dan pawh nasa takin a pha ta lo niin mi tamtakin an ngai a. Hetih rual hian player  naran a nih loh avangin a hlutna erawh a la sang viau tho a ngaih a ni. Tuna a release clause thar ni a report hi a dik a nih  chuan Premier League Club zingah Portuguese star lei ngam tur club an awm nual dawn niin a lang. Amaherawhchu, a release clause a hniam tak deuh avangin a hlawh lamah insen huai ngam deuh a ngai thung ang.