RMSA, Aizawl District hmalakna-in Career Guidance Programme neih mek a ni

RMSA, Aizawl District hmalaknain Aizawl District-a Govt/RMSA High School zawng zawngah Career Guidance pekchhuah vek a ni dawn a. Career Guidance pek hna hi Hillsgate enkawltuten an thawk mek a ni.

He project hi May 16 atangin tan a ni a, May 16 & 17 chhung hian Hlimen, Lungleng, Falkawn, Melriat, Sateek, Thiak, Sumsuih, Samlukhai leh Sialsuk-a Govt. High School-te tlawhchhuakin Career Guidance pekchhuah vek an ni tawh a ni.

Programme hi May 21 hian Lengpui, Sairang leh Phungchawngah neih leh a ni ang a. May 30-31 chhungin Seling leh Saitual leh an chhehvel khua a High Schoolte tlawhchhuah leh vek an ni bawk ang.

Aizawl khawpui chhunga High School hrang hrangte tan June 6-13, 2018 chhung hian Hawla Auditorium, Treasury Sq.-ah hun hman a ni dawn bawk a. Aizawl khawpui chhunga High School hrang hrangte hi an in kal chhawk dawn a ni.

Darlawn tlangdung leh Phullen tlangdung lam tan June thla chawhnu lamah programme siam a ni bawk ang.