Premier League-ah VAR la hmang dâwn lo

Premier League Club te chuan season thar lo awm tur (2018-19)-ah Video Assistant Referee (VAR) hmang lo turin thuthlukna an siam.

Football-ah thuthlukna dik lo tak taka siam a awm fo avangin thuthlukna pawimawh zual, red card, penalty leh goal leh goal lo chungchanga a referee te pui turin VAR hi siam a ni a, thuthlukna siam hmain referee chuan TV replay en hmasain, thuthlukna an siam chauh ṭhin.

VAR hi ṭha ti leh ti lo an awm nual a, a duh lo zingah hian khawvela league hmuhnawm ber pawl Premier League pawh an la tel ta zel a ni.

League lian zingah Premier League hi match officials (referee) nei chhe bera ngaih an ni a, Russia a World Cup khelh turah pawh match enkawl turin english referee thlan an ni ve lo a ni.