Olivier Giroud : 380 Minutes, Shots on target – NIL

Tun tum FIFA World Cup 2018-ah hian France striker Olivier Giroud (Chelsea striker) chuan game 5-ah minute 380 a khel tawh a, goal khung tumin vawi 7 a shot ve tawh na a, goal a la khung lo mai ni lovin, goal zawnah vawikhatmah a la pet lo!!

France team-ah hian Barcelona forward, £135.5 million  man attacking lama hmantlak em em Ousmane Dembele pawh a awm tho na a, a ni hian match hmasa berah Australia a hmachhawn a, a hnuah awl vang vangin, quarter final a Uruguay an hnehna match tawp lamah Mbappe a rawn thlak ve chauh a ni.

Hetiang record tha lo tak a nei chung hian an coach Didier Deschamps chuan Giroud laka rinna a nghah thu a la sawi ve fan a. Semi final-ah pawh a chawlhtir dawn loh thu leh,a khelh tir ngei tur thu a sawi.

“Player mit la leh ngaihven hlawh tak a ni lo ngei mai, goal pawh a score mai lo. Mahse, hna tangkai tak tak a thawh reng tho avangin team-in a mamawh tlat a ni. Argentina nen kan inkhelh tum pawh khan Mbappe goal khung tur a siamsak a, khatianga supporting role play tur khan kan team hian kan mamawh a ni” a ti.

 

France Coach Deschamps hian player a nih laiin 1998 World Cup-ah an ram a lo champion pui tawh a. Hemi tuma an striker Stephane Guivarc’h chuan minute 268 lai khel mah se goal khatmah a khung lo. Hetia Giroud chhanna thu a sawi hian media lamin Giroud leh he striker hi an lo khaikhin ve nghal vat a ni. Stephane Guivarc’h pawh hian world cup chhungin shot vawi 17 a nei a, goal zawnah vawi 3 chiah kalin vawikhatmah a goal lo thung!!

Tun World Cup kal lai mekah hian England striker Harry Kane chuan game thum atangin goal 6 khungin top scorer nihna a la hauh a ni.

France hian Thawhleh zanah semi-finalah Belgium an hmachhawn dawn a ni. Giroud hian goal khung tawh tak maw…..