UPSC Civil Service Exam 2017 a tlingte mark hmuh zat tihchhuah a ni

Union Public Service Commission (UPSC) chuan Civil Service Examination 2017 a tlingte mark a tichhuak a. A pumpuia pakhatna (first-rank holder) IRS Officer tanglai Durishetty Anudeep chuan 55.60% chiah a hmu pha. Hei hian UPSC Civil Service Exam khirh zia a tarlang chiang hle a ngaih a ni. 

First rank holder : Durishetty Anudeep

Kum 28-a upa IRS Officer a lo inziak tling tawh Durishetty Anudeep hian Main Exam total mark 2025-ah mark 1126 chauh a hmu pha a. Written exam-ah mark 950/1750 hmuin, interview-ah mark 176/275 a hmu bawk. Written exam-ah hian 54.28% chiah a hmu pha a, interview bikah erawh 64% a hmu pha thung.

Pahnihna (second rank holder) Anu Kumari pawhin 55.50% a hmu a, pakhatna aiin written-ah mark 13-in a hmu tlem a, interview-ah erawh topper aiin mark 11 laiin a hmu sang a ni. Pahnihnain pakhatna a phak lohna hi mark 2 chauh a ni.

Pathumna Sachin Gupta pawhin 55.40% a hmu a, pahnihna nen an inhnaih hle. Pathumna hian written-ah mark 946 hmuin interview-ah mark 176 a hmu thung.

UPSC Civil Service Examination 2017 result  hi April 27, 2018 khan tihchhuah a ni a, mi 990 chu Central sorkar hnuaia Civil Services hna thawk thei tura recommend an ni a. Heng zinga 750 chu mipa an ni a, hmeichhia 240 an awm ve bawk. Heng mite hi an tih that dan a zir leh an service thlan dan a zirin IAS, IPS, IFS, IRS, etc-ah semdarh an ni leh dawn a ni.

Second rank holder : Anu Kumari

Exam an tam, tling an tlem

UPSC Civil Service Examination 2017 hmachhawn tur hian mi nuai 11.36 -in form an fill-up a, Prelim exam hmachhawntu tak erawh chu nuai 5.5 an ni thung. Exam tura inziak lut zawng zawng hi Mizoram mipui aiin an tam zawk tihna a ni.

Kum 2017-a UPSC Civil Service Exam-ah hian success rate (exam hmachhawntu zat atanga tling awm zat) chu 0.18% a ni a (mi za zelah pakhat pawh an tling zo lo tihna). Exam hmachhawn tura inziak lut zat nuai 13.36 atanga teh phei chuan 0.08% chiah an hlawhtling tihna a nih chu!

Rank 990-na, a tawpna ber a mi hian 40.98% a hmu a, written-ah mark 830/1750 a hmu a, interview-ah 143/275 a hmu bawk.

%d bloggers like this: