MBSE HSLC 2018 Result Review

Aizawl May 4, 2018 : MBSE chuan HSLC Exam 2018 Result chu May 3, 2018 khan a tichhuak leh ta a (kum 2017 khan May 2-ah tihchhuah a ni). HSLC Exam hi tunhma anga zirna kawtchhuah tak tak anga ngaih ni tawh chiah lo mah se, Mizoram zirna hmel lanna pawimawh tak, zirlaite kawng zawh tur hriltu ber a la nih tho avang leh chhungkua a effect hnem em avangin ngaihven a la hlawh hle.

Hillsgate chuan ngun takin HSLC Result hi a zirchiang a, a zavaia tarlan vek sen ni lo mah se, a tlangpui, a pawimawh zual lo tarlang ila:

Pass percentage a sang; Distinction a pass an tlahniam

HSLC Result 2018 hi MBSE hnuaia HSLC result chhuak tawh zawng zawnga pass percentage san ber tum a ni. Pass percentage hi 76.65% a ni a, kum 2017 aia a sanna hi 4.45% lai a ni. Kum 2008 atanga 2018 thlenga pass percentage than chhoh dan lo en ila:

Pass percentage hi kum 2013 atang khan a sang zawngin a la thang char char a, kum 2018-ah phei chuan MBSE hnuaia a san ber hun a tawng chho ta hial a ni.

Hetiang a nih lai hian kum 2017 aiin 2018-ah result quality a tlahniam hret a. Kum 2017 aiin 2018-ah Distinction a pass an tlem zawk a, III Div a pass an pung a, English subject-ah tih loh chuan kum 2017 aiin letter mark hmu an tlem zawk vek bawk. Hei hian kan result quality a tarlang chiang hle a tih theih. Amaherawhchu, tunhma kum 2016 hma lama 2-3% vel chauh Distinction a an pass thin dan ngaihtuah chuan hmasawnna nasa tak a tih loh theih loh thung. Distinction a pass hi kum 2017 atangin nasa takin an pung a ni. Engvanga pung ta chiam nge tih erawh ngaihdan a inang lo thei viau awm e.

  1. Mipa vs Hmeichhia : Mipa exam zawng zawng atanga pass zat hi 76.91% a ni a, chutiang bawkin hmeichhe lam pawh 76.40% an pass ve bawk. Pass percentage-ah ringawt chuan mipa leh hmeichhia an intluk tawk hle. Mipa-ah hian 5.88% chiah Distinction-ah an pass a, hmeichhe lamah 6.16% an pass thung. Mipa zingah III Div. a pass 22.60% an awm a, hmeichhe lamah 18.96% chiah III-ah an pass. A chung lamah an intluk tawk viau lain mipa lamah hian ‘hnufual’ an tam deuh zawk niin a lang. Top 10-ah mipa leh hmeichhia 8 ve ve an lang bawk a. Pakhatna erawh mipa ve ve an ni thung. Kum 2018 hi HSLC result a mipa leh hmeichhia intluk tawk ber tum a ni hial maithei.
  1. Topper mark a sang tawk lo : Kum 2018 HSLC Topper hian mark 500-ah 477 (95.4%) a hmu a, 2017 topper khan 474 (94.8%) a lo hmu tawh bawk. Hei hi zirlai nawlpui dinhmun atanga teh chuan sang tawk viauin lang mah se, CBSE leh Board danga topper-te mark ngaihtuah chuan a la sang tawk lo hle. Mizoram pum a pakhatna mark hmuh atan chuan a la sang tawk lo a ni ber. HSSLC-ah phei chuan topper mark hi a hniam thin hle. MBSE hian mark an la ren deuh nge, kan zirlaite hian an zirlai hi an la thiam tawk lo zawk??

Kum 2017-a Class X exam a topper hrang hrangte mark hmuh zat hi lo en ila : CBSE topper – 99.6%, ICSE – 99.4%, Assam – 98%, Manipur – 96%, Tripura – 98.14%.

  1. Internal Mark : Kum 2017 atangin HSLC Exam-ah Internal Mark 20% dah a ni a, school a an exam-na in HSLC Exam-ah 20% mark a pu ve tihna a ni (full mark 100-ah mark 80 chu HSLC exam atangin mark pek a ni a, mark 20 chu school test result atangin pek a ni thung). Hei hian nasa takin result a tidanglam thei a. Top 10 chinah phei chuan mark 2/3 lekin danglamna a thlen nasat theih em avangin School mark pek danin kawngro thui tak a su ngei dawn a ni.
  2. Manangement Wise : Kum dang ang bawkin Private school-ten candidate an ngah leh ber a, candidate 7128 neiin 40.28% an hauh pha a, an pass percentage chu 79.91% a ni. Tin, distinction-a pass 1068 zinga a chanve aia tam 606 (56.74%) chu Private school a mi an ni bawk. Deficit School (Kohhran school) atangin candidate 1195 (6.75%) an awm a, pass percentage 92.55% niin distinction-ah zirlai 250 (20.92%) an inhlangkai thei bawk. Sorkar school hoin candidate 5828 (32.93%) an nei a, pass percentage 72.07% niin distinction 115 (1.97%) an awm bawk. Selection test neih phal a nih tawh loh avangin Private candidate an tlem a, 329 chauh awmin 51.98% an pass ve tho bawk. Private candidate zingah distinction an awm lo a, I Div ah erawh zirlai 11 lai an in hlangkai thei a ni.
  3. Letter Marks

Hetiang hi subject hrang hrang a letter mark  (80% and above) hmuh dan a ni (2017 nena khaikhinna):

Sawi tawh angina English subject-ah tih loh chuan kum 2017 aiin letter mark hmu an tlem zawk vek a. Hei hian kan result quality a tarlang chiang hle a tih theih. Tin, Letter mark hmuh dan atang hian kan chak loh deuhna

 

ZAWHNA AWM THEITE:

  •  Topper mark a sang tawk lo? Mizoram zirlaite hian an la thiam tawk lo nge, MBSE-in mark an la ren lutuk zawk?
  • Private school-te an thawh hlawk hle a. Enkawlna tha zawk pek/duat deuh an phu em?
  • Pass percentage sang chho ta hi eng vang nge ni ang? Mizoram Education quality a sang ta hle tihna a ni thei em?
  • School tan hma leh percentage sang chho zel hian inzawmna a nei em? Eng nge i ngaihdan??