Mark Zuckerberg a hausa tual tual, Warren Buffet a lehpel ta

Generated by IJG JPEG Library

Kum 34 chauh a upa Facebook hotupa, CEO Mark Zuckerberg chu a hausakna a pung zel a, khawvela mi hausa ber pathumna rawn ni chhoin investor Warren Buffett a rawn lehpel ta!

Bloomberg-in Zirtawpnia a report danin Mark Zuckerberg-a hausakna hi $81.6 billion zet a ni tawh a. Tunhnai hian khawihtu an tam tual tual avangin Facebook share hlutna hi 2.4% in a pung chho a, Facebook hlutna zawng zawng pawh tunkar chho thleng hian $571 billion zet a ni chho tawh bawk.

Mark Zuckerberg-an a lehpelh tak Berkshire Hathaway-a Chairman & CEO Warren Buffett-a hausakna $81.1 billion vel a ni mek bawk. A ni hian midang tanpui nan sum a pechhuak nasa a, $ 50 billion vel zet midangte tanpui nan a sem ral tawh ni a report a ni.

Amazon CEO Jeff Bezos

Mark Zuckerberg-a chungah hian khawvela mi hausa ber pahnih Amazon CEO Jeff Bezos leh Microsoft cofounder Bill Gates an la awm fan a. Khawvela mi hausa ber Amazon CEO Jeff Bezos-a hausakna $139.6 billion zet niin, Bill Gate-a hausakna pawh hi $92.3 billion zet a ni.

Khawvela mi hausa ber pathumte hi Technology based a sumdawng vek an ni nghe nghe.

Nitin a Facebook regular taka hmangtu hi khawvel pumah 1.45 billion an awm mek a. Hetiang a nih avang hian sumdawngte tan facebook chu advertisement tihna hmun tha ber a ni mek a ni. Kum 2018 quarter hmasa bera adverisement atanga an sum lakluh zawng zawng hi $ 11,795 million zet a ni a, payments leh other fees atangin $171 million zet an lalut bawk. Keinin thenrual kawm nana regular taka kan hman lai hian Mark Zuckerberg-a hnenah sum kan bonus hiau hiau tihna a nih ber chu!