UPSC All India Competitive Exam hmachhawntu Mizo thalai 11  hnenah cheng nuai 1 theuh hlan a ni

April 10, 2018 khan Secretariat Conference Hall-ah Higher & Technical Education Minister R.Romawia’n Mizo thalai, UPSC exam Main leh Prelim a inziak tling thei mi 11 hnenah incentive cash award cheng Nuai khat theuh a hlan.

He Cash Award hlanna function hi Lalrinliana Fanai, IAS, Commissioner & Secretary, Higher & Technical Education Dept. chuan a kaihruai a, JH. Zoremthanga, Secretary, Mizoram Scholarship Board chuan report a pe bawk. He hunah hian Sawrkar lama mi pawimawhte bakah MSU, SSU leh CYMA hruaitute an tel bawk.

He hunah hian mi 11 hnenah cash incentive award hlan a ni a, UPSC NDA & Naval Academy exam paltlang 4, Combined Defence Services exam paltlang 1, UPSC Civil services prelims paltlang 5 leh Mains paltlang 1 an tel a ni.

SSU-IN LAWMTHU SAWI

Students’ Self-Support Union (SSU) General headquarters chuan Mizote All India Civil Service / Central Service-a lut kan tlem ta lutuk chu vei a, thalaite cho phur nana Incentive Cash Award tisang tura hun rei tak atanga Mizoram Sorkara a lo thlen tawh thin, a tak a hlawhtlinna hmuh tur a awm ta chu lawmawm an tih thu an sawi a. He hmalakna hian Mizo thalaiteah chona leh phurna nasa tak a pek an beisei thu leh, Mizo thalai, thluak tha leh lehkha thiam tak takte pawh UPSC Exam nasa zawka bei tur leh kan ramin a mamawh zia hriaa helama nasa lehzuala tan la turin an sawm bawk.

Cash Award dawngtute:

Z. Lalnghaktluanga
Zotlang, Aizawl
UPSC Civil Services (Prelims) Examination 2017

Malsawmzuala
Zarkawt, Aizawl
UPSC NDA & Naval Academy Exam (I) 2017

B. Liansanga
Venghlui, Aizawl
UPSC NDA & Naval Academy Exam (II) 2017

C. Lalliansanga
Venghlui, Aizawl
UPSC NDA & Naval Academy Exam (I) 2017

Lalrinawma Sailo
Chanmari, Aizawl
UPSC NDA & Naval Academy Exam (I) 2017

Betty Lalrinfeli
Electric Veng, Lunglei
UPSC Civil Services (Prelims) Exam 2017

Onesimus Vanlalruata
Tlangnuam, Aizawl
UPSC Combined Defence Services Exam (II) 2017

Zomuanpuia Khawlhring
Ramhlun Venglai
UPSC Civil Services (Main) Exam 2017

Thomas Maratha Hlychho
Meisavaih East
UPSC Civil Services (Prelims) Exam 2017

Abednego Chhaihlo
Siata-I, Saiha
UPSC Civil Services (Prelims) Exam 2017

Beihrosia Syuhlo
Veng, Saiha
UPSC Civil Services (Prelims) Exam 2017

Be the first to comment on "UPSC All India Competitive Exam hmachhawntu Mizo thalai 11  hnenah cheng nuai 1 theuh hlan a ni"

Leave a comment

Your email address will not be published.


*


This site uses Akismet to reduce spam. Learn how your comment data is processed.