RMSA Career Guidance Programme for Aizawl

RMSA Aizawl District buatsaih Aizawl District chhunga Government High School-te tana Career Guidance Programme chu tluang taka kalpui mek a ni a. Aizawl khawpui pawn lam a hun engemawchen hma lak a nih tawh hnuah nimin June 6, 2018 atang khan Aizawl khawpui chhunga Government High School-te tan hun hman a ni ve ta a. Aizawl khawpui chhung pual bika programme buatsaih hian June 13 thleng a awh dawn a ni.

Chief Guest : K.Lalthawmmawia, IAS, Director, School Education Department, Govt. of Mizoram

Aizawl khawpui chhunga Government High School-te tana Career Guidance Programme tanna hun hi June 5, 2018 chhun dar 11:00 khan Lalthanhawla Auditorium-ah neih a ni a, K.Lalthawmmawia, IAS, Director, School Education Department chu khuallian a ni. Khuallian hian zirlaite fuihna thu tha tak tak sawiin, an hmalam hun lo awm tur atana kawng kalna tur ruahman felsa vek turin zirlaite chu a chah a. Chairman Dr. A.Muthamma, IAS, Aizawl DC pawhin zirlaite fuihna thu a sawi bawk. Tin, Mizorama IAS probation a awm mek, Ms. Mamu Hage, IAS (2017), Asst. Commissioner, DC Office, Aizawl pawhin he hun hi a hmanpui bawk a ni.

Dr. A. Muthamma, IAS, Deputy Commissioner, Aizawl

Motivation speaker atana sawm Lalnghinglova Hmar, Jt, Editor, Vanglaini & Hon. Secretary, MFA pawhin zirlaite fuihna thu ngaihnawm takin a sawi a. Social media-in tunlai thalaite a tihchhiat nasat tawh zia sawiin social media hmang sual lo turin zirlaite a chah a,mahni dinhmun dik tak hre tur leh chumi mila khawsa ngam turin zirlaite a fuih a ni. Tin, Lalhmingmawii, Artist lar tak pawhin zirlaite hnenah a hlawhtlin chhoh dan chanchin ngaihnawm takin a sawi bawk a ni.

Lalnghinglova Hmar, Motivational Speaker

Career Guidance hi Hillsgate Managing Director C.Lalhriatpuia’n powerpoint presentation hmangin a pe a. Hillsgate leh Lalnghinglova Hmar-te hian June 13 thleng nitin hun an hmang dawn a, a kar lakah experience sharing ngaihnawm tak tak ngaihthlak tur a awm thin dawn bawk a ni.

C.Lalhriatpuia, Managing Director, Hillsgate

Ni khatna-ah hian School panga- Govt. Chaltlang High School, Govt. Pianghleia High School, Govt. Maubawk High School, Govt. Hrangchhuana High School leh Govt. Mamawii High School-te an tel a ni. He Programme-ah hian nitin zirlai 600 vel an tel zel theih nan RMSA Aizawl District hotuten ruahmanna an siam a, school hrang hrangte an inkal chhawk thin dawn a ni. Zirlaite hi Career Leaflet a thlawna pek vek an nih bakah an dinhmun zirchianna tur questionaire pek vek an ni bawk.

 

%d bloggers like this: