Mizoram University chuan June 18, 2018 khan Under-Graduate (II, IV & VI Semester) result a tichhuak a, pass percentage a sang lo viau na a, result quality erawh a tha thawkhatah a ngaih theih.
II Semester leh IV Semester (1st Year & 2nd Year) hi under graduate final result a la nih chiah loh avangin Hillsgate chuan zirchian vak ngaiah a dah rih lo a. Final result, VI semester result erawh a theih ang ang a zirchian a ni thung.
GOLD MEDALIST
Mizoram University Under Graduate Programme result tihchhuah takah hian degree chi thum – BA, B.Sc, B.Com leh B.Sc (Home Science) result tihchhuah a ni a. Heng stream hrang hranga ti tha ber, Gold Medalist-te chu a hnuaia mite hi an ni:
| GOLD MEDALIST, 2018 | ||||
| COURSE | NAME | COLLEGE | DEPT. | % |
| BA | Lalbiakenga | Pachhunga University College | History | 89 |
| B.Sc | Malsawmthanga | Pachhunga University College | Botany | 91 |
| B.Com | Vanrammawii | Govt. Hrangbana College | Commerce | 82.35 |
| B.Sc (Home Sc) | Baby R.Lalruatfeli | Govt. Zirtiri Res. Science College |
Home Sc |
83.9 |
RESULT KHAIKHAWMNA
VI Semester- BA, BSc, B.Com leh B.Sc Home Science exam hmachhawn tuma inziak lut hi zirlai 4053 an awm a, chung zinga 3997-in exam hi hmachhawnin, zirlai 2457 an pass a, pass percentage hi 61.47% a ni. Zirlai exam hmachhawntu 3997 zinga 457 chu repeaters an ni a, zirlai 4-in improvement exam an hmachhawn bawk.
Exam hmachhawntu zirlai 3997 zinga 3223 chu Arts stream a mi an ni a, B.Sc zirlai hi 513 niin, Commerce-ah zirlai 242-in exam an hmachhawn bawk a. B.Sc Home Science zirlai 19 an awm bawk. Heng zingah hian BA zirlaite pass percentage hi 60.50% a nih lain, B.Sc-ah 60.04% a ni a, B.Com pass percentage 79.34% niin, B.Sc (Home Science) exam hmachhawntu zirlai 19 zingah 7 passin, pass percentage 36.84% chauh a ni thung.
A pumpuiah Higher & Technical Institute of Mizoram (HATIM), Lunglei pass percentage a tha ber a. Zirlai exam 21 awmin an pass vek a ni. Hetih lai hian zirlai an ngah dan atanga teh chuan Pachhunga University College-in an ti tha hle bawk a. A tlangpuiin thingtlang lam, a bikin Mizoram chhim lam College thenkhat result a chhe hle a ni.
Stream hrang hranga College-te dinmun zirchianna :
ARTS
Arts bikah hian College ti chhe zual, bottom 3 a awmte hi Mizoram chhim lam a mi vek an ni a. Govt. Lawngtlai College result a chhe hle a, zirlai exam hmachhawntu 95 zinga 72 zet an pass zo lo a. Chutiang bawkin Govt. Saiha College atanga exam hmachhawntu zirlai 91 zinga 68 zet an pass zo lo bawk. Govt. Kamalanagar College hian candidate an ngah hle a, district capital danga college engemawzat aia candidate ngah zawkin, 116 zet an nei a, chung zinga 31 chauh chu an pass a, zirlai 85 zetin an pass zo lo tihna a ni.
Baptist Church of Mizoram-in a din Kohhran college HATIM, Lunglei hi an result a chhe ngai meuh lo a. Tun tumah pawh hian Arts bikah candidate 21 neiin an pass vek a, an pass vek a ni satliah lo a, zirlai 12 zetin First Division-ah an pass thei a ni. Arts bik hi stream dangte ngaihtuahin college hrang hrang result a tha fahran lo hle.
| BACHELOR OF ARTS (REGULAR, REPEATERS & IMPROVEMENT) | |||||
| S/No | Name of College | Candidates | Appeared | Passed | Pass % |
| 1 | HATIM, Lunglei | 21 | 21 | 21 | 100 |
| 2 | Pachhunga University College | 384 | 379 | 322 | 84.96 |
| 3 | Govt. Hrangbana College | 347 | 347 | 269 | 77.52 |
| 4 | Govt. Khawzawl College | 20 | 20 | 15 | 75 |
| 5 | Govt. Aizawl College | 239 | 237 | 177 | 74.68 |
| 6 | Govt. T.Romana College | 245 | 243 | 178 | 73.25 |
| 7 | Govt. Mamit College | 29 | 29 | 20 | 68.97 |
| 8 | Govt. Zawlnuam College | 18 | 18 | 12 | 66.67 |
| 9 | Govt. Serchhip College | 96 | 94 | 61 | 64.89 |
| 10 | Govt. Johnson College | 212 | 208 | 132 | 63.46 |
| 11 | Lunglei Govt. College | 171 | 167 | 100 | 59.88 |
| 12 | Govt. Champhai College | 123 | 122 | 72 | 59.02 |
| 13 | Govt. Aizawl North College | 332 | 329 | 179 | 54.41 |
| 14 | Govt. Kolasib College | 108 | 101 | 51 | 50.5 |
| 15 | Govt. Hnahthial College | 32 | 32 | 15 | 46.88 |
| 16 | Govt. Saitual College | 70 | 66 | 30 | 45.45 |
| 17 | Govt. J.Thankima College | 125 | 124 | 55 | 44.35 |
| 18 | Govt. Aizawl West Collge | 214 | 211 | 93 | 44.08 |
| 19 | Govt. J.Buana College | 175 | 173 | 71 | 41.04 |
| 20 | Govt. Kamalanagar College | 116 | 116 | 31 | 26.72 |
| 21 | Govt. Saiha College | 93 | 91 | 23 | 25.27 |
| 22 | Govt. Lawngtlai College | 97 | 95 | 23 | 24.21 |
| TOTAL | 3267 | 3223 | 1950 | 60.5 | |
SCIENCE
Bachelor of Science (B.Sc) bik hi result a tha thawkhat hle a. Pass percentage sang ber Pachhunga University College atanga exam hmachhawntu zirlai 236 zinga 157 zet chu First Division-ah an pass a, Second division a pass zirlai 6 chiah an awm a ni. Chutiang bawkin Lunglei Govt. College atanga pass 43 zinga 2 chiah second division-ah an pass a, a bak zawng zirlai 41 chu First Division-ah vek an pass bawk. Science bikah hian pass zinga zirlai tam zawk, 90% vel zet chu First Division-ah an pass pha a ni.
| BACHELOR OF SCIENCE (REGULAR, REPEATERS & IMPROVEMENT) | |||||
| S/No | Name of College | Candidates | Appeared | Passed | Pass % |
| 1 | Pachhunga University College | 241 | 236 | 163 | 69.07 |
| 2 | Lunglei Govt. College | 68 | 66 | 44 | 66.67 |
| 3 | Govt. Zirtiri Res. Science College | 138 | 134 | 69 | 51.49 |
| 4 | Govt. Champhai College | 29 | 29 | 14 | 48.28 |
| 5 | Govt. Serchhip College | 23 | 23 | 9 | 39.13 |
| 6 | Govt. Kolasib College | 25 | 25 | 9 | 36 |
| TOTAL | 3576 | 3525 | 2157 | 60.04 | |
COMMERCE
Commerce-ah pawh HATIM, Lunglei an ti tha leh hle a, zirlai exam hmachhawn 35 zinga 26 chu First Division-ah an pass thei a ni. Tin, Pachhunga University College atanga exam hmachhawntu zirlai 55 zinga 32 zetin First Division-ah an pass a. Govt. Hrangbana College leh Govt. Aizawl College pawh an result a chhe hran lo hle. Commerce-ah hian result quality a tha thawkhat hle a ni.
| BACHELOR OF COMMERCE (REGULAR & REPEATERS) | |||||
| S/No | Name of College | Candidates | Appeared | Passed | Pass % |
| 1 | HATIM, Lunglei | 35 | 35 | 32 | 91.43 |
| 2 | Pachhunga University College | 55 | 55 | 44 | 80 |
| 3 | Govt. Hrangbana College | 106 | 106 | 82 | 77.36 |
| 4 | Govt. Aizawl College | 46 | 46 | 34 | 73.91 |
| TOTAL | 242 | 242 | 192 | 79.34 | |
HOME SCIENCE
Mizoram-ah hian Home Science zir theihna College kan la nei mumal meuh lo a. Result nei awm chhun Govt. Zirtiri Residential Science College result pawh kan hmuh ang hian a chhe hle a, 36.84% chiahin an pass pha a ni.
| BACHELOR OF SCIENCE – HOME SCIENCE (REGULAR & REPEATERS) | |||||
| S/No | Name of College | Candidates | Appeared | Passed | Pass % |
| 1 | Govt. Zirtirti Res. Science College | 20 | 19 | 7 | 36.84 |
| TOTAL | 20 | 19 | 7 | 36.84 | |
RANK HOLDERS (TOP 10 DINHMUN ZIRCHIANNA)
Stream hrang hrangah subject 24 a awm a, heng subject-ah te hian zirlai ti tha zual, top 10-a inhlang kai thei zirlai 211 an awm a, chungte chu College hrang hrang 15 a mite an ni. Pachhunga University College-in rank holder 126 zet an nei a. Hei hi an result that hrim hrim mai bakah college danga awm ve lo subject an neih nual vang a ni pakhat a. Tin, college dang nena subject inang an neih naah pawh Rank Holder an ngah hrim hrim bawk. A hnuaia table-ah hian College hrang hrangin rank holder an neih zat tarlan a ni e:
| NUMBER OF RANK HOLDERS | ||
| 1 | Pachhunga University College | 126 |
| 2 | Govt. Hrangbana College | 31 |
| 3 | Govt. Zirtiri Res. Science College | 14 |
| 4 | Lunglei Government College | 11 |
| 5 | Govt. Aizawl College | 7 |
| 6 | Govt. Saiha College | 4 |
| 7 | Govt. Kolasib College | 4 |
| 8 | Govt. J.Buana College | 4 |
| 9 | Govt. Champhai College | 3 |
| 10 | Govt. T.Romana College | 2 |
| 11 | Govt. Saitual College | 1 |
| 12 | Govt. Mamit College | 1 |
| 13 | Govt. Aizawl West College | 1 |
| 14 | Govt. Aizawl North College | 1 |
| 15 | Govt. Serchhip College | 1 |
| TOTAL | 211 | |
College ding tharte dinhmun
Tun tuma Mizoram University-in VI semester result a tihchhuahah hian tunhnaia College ding thar St. Xavier College, Lengpui, Helen Lowry, Aizawl leh Aizawl City College-ten result an la nei ve lo a. Amaherawhchu, Seventh Day Kohhran din Helen Lowry hian II Semester bikah Aizawl khawpui chhunga pass percentage sang ber dawttu (68.18) nihna an hauh a. Aizawl City College pawhin IV Semester-ah 76.92% pass percentage neiin an ti tha hle. Tin, Lengpui a College ding thar St. Xaviers College pawhin II semester-ah pass percentage 90% zet neiin Mizoram puma pass percentage sang ber dawttu (next to HATIM) an ni bawk.