MNF-ah Robert Romawia Royte a lut “Full time Politician ni turin NECS ka kalsan dawn”

NECS leh Aizawl FC neitupa Robert Romawia Royte chu vawiin September 17, 2018 (Monday) hian Mizo National Front (MNF) President Zoramthanga’n a lawmlut a, a rual hian¬†Aizawl East – II huam chhung atangin voter 768 bakah bial dang atangin voter 185, a vaiin voter 953 MNF-ah hian lawmluh an ni.

Lawmluh inkhawma thusawitu MNF President Zoramthanga chuan MLA Constituency 40 zingah Chawngte Constituency tih lohah chuan ding tur tihfel vek a ni tawh tih a sawi a. Harsatna awm lo a candidate an siamfel theih thu sawiin, Constituency tina din tum awmte zingah seat chan loh avanga buaina siam tumah an awm lo chu lawmmawm a tih thu a sawi a ni. MNF President chuan an elpui lian ber Congress chuan kohhran leh mipui pawi an khawih tih sawiin, Mizoram pumah development a thuan thu a, Kohhran pawi sawiin Zu an zuar bawk tih sawiin, anmahni ngei pawhin an sorkar an ring tawh lo tih a sawi a ni.

NECS neitupa Robert Romawia Royte chuan Party hrang hrangin lut tura an sawm laia MNF-a a luh chhan sawiin,¬†“MNF zawm tur hian thutlukna siam a har khawp mai a. Sorkar nena thawhhona kal laklawhte, project khawih laklawhte tamtak a awm avangin thutlukna siam a har hle. Amaherawhchu, ram leh hnam, mi rethei leh harsa, chhanchhuah ngai leh dawmkan ngaite, hnam anga humhim ngai Mizo hnamte chhanchhuak tura rim taka thawk mek MNF party puih ve hi Pathianin kan rawngbawlna tura min pekah ngaiin Pathian rawn chungin thutlukna kan siam a ni. Nationalism leh development hi ka ngai pawimawh a, development/ram hmasawnna leh hnama chianna kalpui kawp thei tur awm chhun chu MNF party hi niin ka hria a ni. Mizo kan nih ang hian kan awmna tur chu MNF a ni” a ti.

Robert Romawia Royte chuan a hnena MNF membership fee pe tawh, la puanchhuah loh tamtak an awm tih sawiin, MNF a luh duh leh luh tum a chhinchhiah ringawt pawh mi sing tel an tlin tawh thu a sawi a. Heng zingah hian Mizoram a vote nei lo, state dang leh Myanmar-a Mizote pawh an awm thu a sawi bawk.

“NECS hi sorkar nena thawk dun tlat a nih avangin MLA-a nomination ka file dawn chuan ka tel zui zel a rem dawn lo. Kalsan chu a uiawm dawn khawp mai. Mahse, kei chuan thil ka ti ve mai mai ngai lo a, chuvangin, full time Politician ni turin ka kalsan dawn a ni” a ti bawk.

Pu Lalthara, IAS (Rtd) pawhin lawmluhnaah hian thu a sawi.

Robert Romawia Royte rual hian H.J.Rodinga, Jt. Commissioner (Rtd), Taxation department te, Sangthangpuia Renthlei, MPS (Rtd) te, Sukra Thapa, MPS (Rtd) leh pensioner dang engemawzat, C.Lalhruaitluanga, President PRISM, Lunglei, PC Lallthanmawia, Ex Vice President, MPYCC bakah VCP hlui leh party dang a nihna pawimawh tak tak chelh lai engemawzat MNF-ah hian an lut a ni.

Be the first to comment on "MNF-ah Robert Romawia Royte a lut “Full time Politician ni turin NECS ka kalsan dawn”"

Leave a comment

Your email address will not be published.


*


This site uses Akismet to reduce spam. Learn how your comment data is processed.