Mizoram-in central pool hnuaiah MBBS leh BDS seat a nei leh ta!

Mizoram-in central pool hnuaia MBBS leh BDS seat engemawzat a neih thin, tihtawp ni tawh ang hiala Higher & Technical Official thenkhatte pawhin an lo ngaih tawh chu vawiin khan a nei leh ta a. Vawiin, August 13, 2018 hian Central sorkar a Ministry of Health & Family Welfare chuan order (No. U.14014/4/2018- ME.II) tichhuakin, central pool hnuaiah Mizoram chu MBBS seat 18 leh BDS seat 7 pek a ni leh ta zawk a ni. Kum 2017-ah khan central pool hnuaiah hian MBBS seat 17 neih a lo ni tawh bawk.

Hemi hma hian Higher & Technical Department Official thenkhatte chuan Mizoramin Medical College MIMER a neih tak avangin kumtin a central pool a MBBS leh BDS seat a neih thinte tihtawpsak a nih thu Hillsgate enkawltute hnenah an lo sawi tawh a. Hillsgate pawhin Central pool hnuaia MBBS leh BDS seat kan neih thin kan neih tawh loh tur thu a lo tichhuak hial tawh a nih kha.

(Advertisement link-te hi vawi khat tal min lo click sak ve zeuh thin la…)

Central pool hnuaia state thenkhatte MBBS leh BDS seat hmuh dan:

  1. Arunachal Pradesh – MBBS 25 & BDS 3
  2. Tripura – BDS 3
  3. Meghalaya – MBBS 42 & BDS  3
  4. Mizoram – MBBS 18 & BDS 7
  5. Nagaland – MBBS 30 & BDS 3
  6. Manipur – MBBS 5
  7. Sikkim – MBBS 4 & BDS 3

Engtin nge seat an hnawhkhah ang? Gauhati HC order vangin ADMISSION tih theih a ni chuang lo!

Central pool a MBBS seat 18 leh BDS seat 4 Mizoramin a neihte hnawhkhah dan tur hi Higher & Technical Education department lamin an buaipui dawn a. Amaherawhchu, Technical lama Mizoram quota hnawhkhahna tur seat allotment zawng zawng Guwahati High Court-in a stay vek rih avangin hmalak ngaihna a vang rih dawn hle niin Hillsgate chuan thu a dawng. Ministry of Health & Family Welfare thuchhuaha a lan danin MBBS leh BDS admission hi August 31 thleng tih theih a ni.

Tin, Mizoram quota Technical seat pek dan chungchanga Chakma mi thenkhatten Gauhati High Court-a case an tih nun thar lehah hian thiam an chang a nih a, category – I a an kir leh thei a nih chuan heng central pool hnuaia MBBS seat awmahte hian Chakma zirlai thenkhat, Mizo zirlaite aia NEET a ti tha zawk engemawzatin seat an nei leh thei dawn niin a lang bawk. Hemi chungchang report chiang zawk chhiar duh tan link dah a ni e : https://hillsgate.in/chakma-ten-hc-ah-case-tharthawh-leh-mimer-a-mbbs-seat-hnawhkhah-theih-a-ni-rih-lo/

(Advertisement link-te hi vawi khat tal min lo click sak ve zeuh thin la…)

Mizoramin Central Pool hnuaia MBBS seat a neihnate (2018-2019 session):

  1. Lady Hardinge Medical College, New Delhi , Delhi –  1 (One)
  2. Guwahati Medical College, Guwahati, Assam – 1 (One)
  3. Assam Medical College, Dibrugarh, Assam –  1 (One)
  4. Patna Medical College, Patna, Bihar –   1 (One)
  5. Darbhanga Medical College, Lehariasaria, Bihar –  1 (One)
  6. Medical College, Alappuzha, Kerala –   1 (One)
  7. L.N Medical College, Bhagalpur, Bihar –    1 (One)
  8. Nalanda Medical College, Patna, Bihar –    2 (Two)
  9. JLNM Medical College, Raipur, Chhatisgarh –  1 (One)
  10. Medical College, Aurangabad, Maharashtra – 1 (One)
  11. P. Medical College, Bikaner, Rajasthan –  1 (One)
  12. G. Medical College, Lucknow, UP –   1 (One)
  13. N. Medical College, Agra, UP –  1 (One)
  14. LLM Medical College, Meerut, UP –   1 (One)
  15. Burdwan Medical College, Burdwan, WB –   1 (One)
  16. S. Medical College, Bankura, WB –   1 (One)
  17. Medical College, Kota, Rajasthan –  1 (One)

TOTAL MBBS SEAT                          –           18 (Eighteen)

Mizoramin BDS Seat a neihnate:

  1. G. Dental College, Lucknow, UP – 1
  2. Harvansh Singh Judge Institute of Dental Sciences & Hospital, Chandigarh  – 2
  3. Dental College, Patna, Bihar – 4

TOTAL BDS SEAT     –      7

Central pool hnuaia Mizoram seat dinhmun chiang zawka hre duh tan PDF file download-na tur link dah a ni e:

https://mohfw.gov.in/sites/default/files/Allocation%20to%20States%20UTs.pdf

%d bloggers like this: