Kum 12 chhungin IAS 3 leh MCS 92

Pic : Lalnunmawia Chuaungo, IAS

Mizoram atang hian UPSC Civil Service Exam paltlanga Indian Administrative Service (IAS) a direct-a inziak tling nalh nalh thei hi kan nei khat ta hle a. Kan neih hnuhnun ber chu kum 2014-a inziak tling, Grace Lalrindiki Pachuau d/o Vanhela Pachuau, IAS (Rtd) kha a ni. Grace-i hma a tling awm hnaivai leh ber chu kum 2008-a inziak tling, Saidingpuii Chhakchhuak leh kum 2006-a inziak tling Dr. Franklin Laltinkhuma te an ni a, Pu R.Lalvena leh Dr. Christina Z Chawngthu te hi kum 2001 a inziak tling an ni bawk. Kum 2000 hnulamah IAS-a inziak tling Mizo panga chiah kan nei a ni.!

Hetihlai hian State sawrkar hnuaia lak Mizoram Civil Service (MCS) erawh kum 2007 atang khan Mizoram Public Service Commission (MPSC) kaltlangin mi 80 lak tawh an ni a, tunah hian MCS 12 lak thar leh mai tura exam kalpui mek a ni bawk. Hetiang anih chuan tunhnai kum 12 chhungin Mizo zingah IAS-a inziak tling 3 leh MCS-a inziak tling mi 92 kan nei dawn tihna a ni.

Kum 2011 atang khan MCS hi kumtin lak char char ala ni a, hengah hian Mizo thalai lehkhathiam ber berte an tling zel bawk. Kum 2007 atanga MPSC kaltlanga MCS an lak zat:

  • 2007-08 : 15
  • 2008-09 : NIL
  • 2009-10 : NIL
  • 2010-11 : NIL
  • 2011-12 : 10
  • 2012-13 : 10
  • 2013-14 : 15
  • 2014-15 : 10
  • 2015-16 : 10
  • 2016-17 : 5
  • 2017-18 : 5
  • 2018-19 : 12 (Exam kalpui mek)

Hetiang taka kan lehkhathiam te’n central service aia state service an bawh nasat avang hian Mizorama sawrkar hna sang ber ber chu hnamdang (vai) ten an thawk nasa a, engemaw buaina thlen changin thuneitu tam zawk zingah Mizo rilru pu an tlem a, buaina chinfel mai a harsa thin hle. Tuna kan buaina lian ber nimek Tuikuk chungchanga kan buaina ang hi kan hmalamah hian hmachhawn reng thei kan la ni a, a chingfel theitu zingah Mizo officer an awm ve dawn loh avangin Mizo te duhdan lo deuh hian thuthlukna an la siam fo dawn niin a lang.?

Mizo thalaite’n Central service aia State service an bawh nasa zawk hi eng nge a chhan ni ang.? Zirlaite thiam tawk loh nge Sawrkar kalphung fel loh vang.? Kohhran leh khawtlang pawh hian mawhphurhna lian tak kan nei lo maw.?

Regular Recruitment a lut Mizo IAS Officer service mekte..

Be the first to comment on "Kum 12 chhungin IAS 3 leh MCS 92"

Leave a comment

Your email address will not be published.


*


This site uses Akismet to reduce spam. Learn how your comment data is processed.