Interview Skill : Tell me about yourself

Tunlai khawvelah chuan hna zawnglai tan chuan Interview hi inbuatsaih ngai tak leh thiam ngai tak a ni. Interview hmachhawn dan hrang hrang kan ziak ta fo a. Thenkhatin kan tangkaipui viau tih han hriatte hi a nuam thin.

Interview-na a zawhna an zawh thin lar tak pakhat chu “ I chanchin han sawi teh le” tih hi a ni. Han ngaih mai chuan mahni chanchin tawifel taka sawi mai chu awlsam tak ni mai awm a nih laiin a takah erawh chuan har tak leh finkhur ngai tak a ni thung. I chanchin kha i thih huna an sem tur ni lo, informative tak leh chhiar tute rilru hneh thei tur, mahni infak hluah si lovin A4 phek khat han ziak dawn teh, i rin aiin a harsa ang. I hna dilna ten an lak duh tur khawp mihring i nihzia kha engtin nge tawifel taka i sawi ang le? Eng nge ka ziah ang ti ringawt pawhin han in ngaihtuah chhin la, awlsam tak tur ni a i ngaih kha i rin aiin a awlsam lo tih i hre thei ngei ang. Chuvang chuan, mahni chanchin sawi dan tur hi ngaihtuah lawk ngai tak thil a ni ta tlat a ni.

Tell me about yourself

He zawhna hi i hna dil lai tana a pawimawh zia hriain, i hna dil lai dil theitu ni satliah lo, i hna dil lai thawk tura a tha ber i nihna kha i chhanna hmanga i tarlan thiam a ngai a ni.

I chanchin i sawi tur chu i hun tawn dan indawt fel takin sawi a tha a, hun inkar thelh nuaia i sawi chuan interviewer-te tan hriatpawlh a awl thin.

Hetiang hian han ti chhin teh le:

  1. A hmasa berah chuan i thiamna neih (qualification) leh i result tlangpui, i tih that leh that loh te sawi ta la. I hna dil lai atana tha tur thiamna bik i nei anih phei chuan thiam takin sawi uar bik ang che.
  2. Work experience i lo neih tawh dan chiang takin sawi la. Chumi atanga thiamna i chhar belh dan leh i tangkaipui dan sawi hmaih miah bawk lo la. I hna a mawhphurhna i lo lak tawh thin dan leh chung mawhphurhna chu hneh taka i lo kenkawh tawh dante over hauh si lova sawichhuah dan ngaihtuah ang che.
  3. I background i sawi pahin eng ang theihna leh thiamna nge i neih tih pholang thei ngei tura sawi dan ngaihtuah la.
  4. Hun kal tawhah thil dangdai deuh emaw, thiamna dang bakah hlawhtlinna leh hmingthatna engemaw bik i neih chuan thiam taka sawi lan a tha. Hei hian tawng i thiam hnem dan te, sports lama i theih dan te, Music i thiam dan te, mi pangngai thiam bak thil thiam i neih kha i pho lang ngei ngei tur a ni. Chu chuan nangmah kha Interviewer-te ngaihah a dah special bik dawn che a ni.
  5. Nangma personal thil ni lo, i hna dil tur nena inkaihhnawih thei thil chauh sawi tur a ni.
  6. Interviewer-ten hun rei tak an pek theih dawn loh che avangin i story i sawi tur chu a thui tur a ni lo; minute 1 chhungin i sawi zo vek hman tur a ni! (Interview-na hmun a zirin a danglam thei. Thenkhatah chuan second 30 chhunga sawi zawh vek hman a ngai hial ang).

–     Hillsgate

Example-1

Example-2

Example-3