Khawvel ram hruaitu naupang zualte

Khawvel politics-ah hian tunhnai kum tlemte chhung hian hruaitu naupang tak tak an inlar nasa hle a, ram khat hruaitu lu, kum 40 tling lo an awm nual mai.

Tunhnai lawkah Austria ramah kum 31 chauha upa Sebastian Kurz chuan Chancellor nihna a rawn chelh a, New Zealand Prime Minister thar Jacinda Ardern pawh kum 37 emaw chauha upa a la ni. Kum 2017 chhoah pawh khan France leh Ireland chuan kum 30 bawr chho hruaitu lu atan an lo thlang chhuak tawh bawk.

Tunlai khawvela ram khat hruaitu naupang zual 10 i lo tarlang teh ang:

10. Emmanuel Macron, kum 39, France President (born 21 December 1977)

Image result for emmanuel macron

Khawvel ram ropui France President Emmanuel Macron hian kum 39 mi chauh niin kum 2017 French presidential election-ah khan hnehna ropui tak a chang a, hetiang dinhmuna a din hma hian President hmasa François Hollande hnuaiah Minister nihna a lo chelh tawh bawk. Minister a nih hlima  a naupan dan tur chu kan hrethiam mai awm e. A awmna party Socialist Party atanga tal hranga political movement a siam En Marche! chuan nasa takin a vawrh lar a, hun reilote chhungin French National Assembly-ah hnehna an chang chho a, President hial a lo ni chho ta a ni.

 

9. Matteo Fiorini, kum 39, Captain Regent of San Marino (born 10 February 1978)

 

Fiorini hi Italy hual vel ram, mihring 33,000 chauh awmna San Marino rama an hotupa, Captain Regent of San Marino a ni. He ramah hian head of state pahnih –  Captains Regent an nei a, thuneihna inzat/intluk (equal power) an nei nghe nghe. Captains Regent hi San Marino legislative body,member 60 awmna Great and General council-in thla 6 chhung atana a thlan a an thlanchhuah ngat an ni. Amaherawhchu, an term hi April, 2018 khan a tawp tawh.

8. Jüri Ratas, 39, Prime Minister of Estonia (born 2 July 1978)

8. ESTONIA: Jüri Ratas, 39 (born 2 July 1978)

Juri Ratas hi Estonia ram hruaitu lu atan November 2016 khan thlan tlin a ni. Prime Minister a nih hma hian Estonia hi politics buaina nasa takin a tuam a, rorelna fel a awm hleithei lo a. Centre Party hruaitu a nihna angin party dangte nen thawhhona siamin kum 39 mi chauh niin Prime Minister a ni ta luah mai a ni. Hemi hma hian Estonia khawpui ber Tallinn Mayor a lo ni tawh bawk. Mayor a nih tantirh, kum 2005-ah phei kha chuan kum 27 chauh a upa a ni.

7. Leo Varadkar, 38, Ireland Prime Minister (born 18 January 1979)

Image result for Leo Varadkar

Varadkar hian  Taoiseach (Prime minister) of Ireland nihna hi  June, 2017 atangin a chelh tan a, hemi hma hian a thlak tak Enda Kenny hnuaiah Minister nihna hrang hrang a lo chelh tawh bawk. Enda Kenny  a chawlh rualin Party hruaitu atan thlan a ni a, Prime Minister a nih chhunzawm nghal a ni. Ireland-a Prime Minister ni tawh zawng zawng zingah a la naupang ber (gay a ni tlat thung).

6. Jigme Khesar Namgyel Wangchuck, 26, King of Bhutan (born 21 February 1980)

6. BHUTAN: Jigme Khesar Namgyel Wangchuck, 37 (born 21 February 1980)

Khesar hi India leh China kar cheh ram, Kingdom of Bhutan lal, Dragon King an tih maite zinga a palina a ni a, 9 December 2006 atang khan a lal tan a, a lal tirh hian kum 26 chauha upa a ni. Amaherawhchu, lallukhum a khum tak hi 6 November 2008 a nih avangin kum 28 a niha lal ang pawhin sawi theih a ni. Khesar hian United States-a Magdalen College, Oxford-ah lehkha a zir thin a, an rama democracy tun din chu a thupui ber a nih thu a sawi fo thin.

5. Jacinda Ardern, 37, Prime Minister of New Zealand 37 (born 26 July 1980)

5. NEW ZEALAND: Jacinda Ardern, 37 (born 26 July 1980)

Jacinda Ardern, the new Prime Minister of New Zealand, gives a victory press conference on October 19, 2017.

Jacinta Ardern, New Zealand Labour Party, Prime Minister ni bawk hian kum 2017 atangin he ram hruaitu lu ber nihna hi a chelh tan a, Prime Minister a nih hian kum 37 chauh a la ni. Politics-ah hian a promotion a chak khawp a, February 25, 2017-ah MP atan thlan tlin a ni a, August-ah an party Labpour leader atan thlan tlin a ni leh a, October 26, 2017-ah Prime Minister-ah a tling hman der. An party-in election-ah majority pha lo mah se, thawhhona hnuaiah a PM ta hlauh a ni. 21 June 2018 khan Prime Minister ni chungin fanu a nei nghe nghe.

4. QATAR: Tamim bin Hamad Al Thani, 37 (born 3 June 1980)

Sheikh Tamim hi a pa a chawlh avanga 25 June 2013-a Emir of Qatar a nih hian kum 30 chauha upa a ni bawk. A u, Jasim bin Hamad bin Khalifa Al-Thani hi lalna chang chhunzawm tur zawk a nih laiin a phat tak si avangin Qatar lal a rawn ni chho ta thut a ni.

3. Kim Jong Un, 28, Supreme Leader of North Korea (born 8 January 1983)

3. NORTH KOREA: Kim Jong Un, 34 (born 8 January 1983)

Hermit Kingdom, North Korea Supreme Leader nihna a chelh tan hun, kum 2011-ah hian Kim Jong Un hi kum 28 chauha upa a la ni bawk. Switzerland-ahte lehkha a lo zir tawh thin. Nuclear ralthuam neih tuma a hmalakna a vangte, a rorelna nunrawng lutuk avangtein hriat a hlawh hle a. Tunhnaiah US President Donald Trump nen an inkar an siamthat chhoh tak avangin a lar zual hle bawk.

2. Enrico Carattoni, 32, Captain Regent of San Marino (born 18 May 1985) Image result for enrico carattoni

October, 2017-a Captain Regent of San Marino atana thlan tlin a nih hian kum 32 chauh a upa a la ni. An dinhmun chu a chunglamah tarlan a ni tawh.

1. AUSTRIA: Sebastian Kurz, 31 (born 27 August 1986)

1. AUSTRIA: Sebastian Kurz, 31 (born 27 August 1986)

18 December, 2017-a Chancellor of Austria atana thlan tlin a nih hian Sebastian Kurz hi kum 31 chauh a upa a la ni. A  ni pawh hi an party-in majority la lo mah se, thawhhona kar atangin naupang tein Chancellor nihna a rawn chelh chho a, Austria-in Chancellor a neih tawh zawng zawng zinga naupang ber a ni. University of Vienna-ah Law a zir thin a, a zir zawh hmain Politics a luhchilh ta a. Austrian People’s Party thalai President atan kum 2009 khan ruat a ni a, 2010-2011 ah Vienna City Council member ni chhoin, 2011-ah State Secretary for Integration (part of the Ministry of the Interior) atan ruat a ni. 2013-ah National Council member atan thlan tlin a ni a, 2017 thleng Foreign Minister nihna chelhin, 2017 election atangin Chancellor nihna a chelh chho leh ta a ni. Foreign Minister a nih tan tirh, 2013 hian kum 27 chauh a la  ni nghe nghe.

1 Comment on "Khawvel ram hruaitu naupang zualte"

  1. Thuziak tha tak a nih hi

Leave a Reply to Chhunga Hmar Cancel reply

Your email address will not be published.


*


This site uses Akismet to reduce spam. Learn how your comment data is processed.