Indian Navy Submarines

Indian Navy hi khawvela Navy lian leh chak berte zinga mi an ni a. Indo lawng leh hmanraw dang pawh an nei tha ve viau tawh a, hmanraw tha zawk leh indo lawng chak zawk an  neih belh mek zel bawk. Tunah hian Indian Navy hnuaiah hian indo lawng lian, thlawhna phur thei  aircraft carrier 1, amphibious transport dock 1, Landing ship tanks- 8,  destroyers 11, frigates 14, nuclear-powered attack submarine 1,Ballistic missile submarine 1 leh conventionally-powered attack submarines 14 a nei mek a. Hei bakah hian indo lawng tenau deuh Corvettes 22, bomb kam haichhuak thiam lawng 4, vaukam hrutna tur lawng 10, fleet tankers (oil phurtu) 4 bakah patrol boats engemawzat a nei a ni. Tunah hian tuihnuai lawng (submarines) lama India dinhmun lo tarlang ila:

Arihant class

Arihant class (Sanskrit tawnga Slayer of enemies tihna)-ah hian submarine pakhat INS Arihant (S73) chauh a awm a, Vishakapatnam-ah a pahnihna tur INS Arighat siam mek a ni a, kum 2019-ah commissiion hman an inbeisei. India kutchhuak nuclear submarine hmasa ber a niin ballistic missile kapchhuak thei a ni a, India pawhin a chhuang hle. Kum 2016 August thla khan INS Arihant hi Indian Navy-te hman theih turin commissioned a ni tawh nghe nghe. 112 m (367 ft) zeta sei niin metre 300 a thukah a liluh bo daih thei a, officer te tiamin sipai 95 an chuang thei bawk. A missile paite hi km 3500 kap pha  K-4 SLBM-te an ni hawlh hlawm a ni. Arihant Class hi India hian 4 neih a tum a, pahnih (INS Arihant lehArighat) chauh siam zawh an la ni a, a bak pahnih hi siam mek a ni bawk.

 

Chakra (Akula II) class

he class-ah hian submarine pakhat, INS Chakra (S71) a awm a. Attack submarine niin Russia siam a ni a, kum 2016 a Goa a BRICS Summit-ah khan he submarine hawh tur hian India leh Russia chuan inremna an ziakfel a, kum 2021-ah India kuta hlan theih  a nih beisei a ni. He submarine hi 12,770 tonnes zeta rit a ni.

 

Kalvari-class

heng submarine ho hi India leh France sorkar tangdunin an siam mek a ni a, tonne 1800 a rit an ni a, hemi class ho hi submarine 6 siam a ni a, pakhat commission tawh niin pahnihin enchhinna an hmachhawn mek a, pathum chu siam mek an la ni bawk.

 

Sindhughosh class

He submarine class-ah hian submarine 9 an awm mek a, Russia siam an ni hlawm. 3,076 tonnes a rit an ni. Kum 2013 khan hemi class zinga mi INS Sindhurakshak chu a chhunga thil puak awm avangin a lo pil tawh nghe nghe. Diesil Engine hmang niin, kum 1990 hma lama siam te an ni tawh hlawm a, a hlui deuh tawh avangin a chunga kan tarlan Kalvari Class ho khian an thlak chho dawn niawm tak a ni.

 

Shishumar class

He class-ah hian submarine 4 an awm mek a, diesil electric hmang niin 6 siam tura tih a ni na a, 4 chauh siam a ni. 1660 tons a rit niin officer mi 8 telin sipai 50 an chuang thei a ni. Heng submarine-te hi German thiamna hmanga sak a ni thung. Missile hlauhawm zet Harpoon Block-II anti-ship missiles hmanga thuam chhoh tum mek a ni.