Rualbanlo, IAS Topper ni thei – IRA SINGHAL

Kum 2015-a UPSC Civil Services Examination 2014 result tihchhuah a nih khan mak tak maiin rualban lo nula pakhat, hnungzang ruh chuktuah lam fel lo vanga mahni duh ang ang pawha che hleithei lo Ira Singhal chu a tling ve satliah mai ni lovin pakhatna a ni nawlh mai a. India rama exam hautak ber pakhata ngaih IAS Exam-a rualbanlo nula pakhatna a ni nawlh mai hi hetiang lam ngaihven tute mak tih a hlawh hle.

Ira Singhal hi scoliosis an tih mai, hnungzang ruh fello avanga pianphung kawisawi, duh ang ang pawha che hleithei lo a ni a. Heti chung hian beidawng lovin a bei fat fat a, school a kal chhung zawng pawhin record a nei tha hle. A tawpah phei chuan India ram puma mithiam kei ka ni inti thah nuai 5 vel zingah a ti tha ber niin, IAS Topper a ni ta hial a ni.

Profile

Ira Singhal hi Mr Rajendra Singhal leh Mrs Anita Singhal-te fanu niin Meerut-ah a piang a. A pa hi Engineer niin a nu hi Insurance Advisor a ni thung. A pian atanga reivak loah he a natna hian tibuai nghalin, a damchhungin ngai a awh tawh dawn lo tih a nu leh pa chuan an hrethiam thuai a. A rilru chu a eng zawnga a kal theih nan, a beidawn mai loh nan theihtawp chhuahin an enkawl chho ta a ni. Zirna pawh an phak tawkah chuan a tha ber ber a a zir ve theih nan theihtawp an chhuah nasa hle.

Sophia Girls School, Meerut-ah zirna bul a tan chho a, chumi hnuah Army Public School, Delhi-ah a zir leh bawk. Heng school a kalna pahnihah hian topper a ni ve ve a ni. Tha taka class XII a pass hnuah in Netaji Subhas Institute of Technology-ah B.Tech a zir leh a, tha taka zir chhoin Campus recruitment-ah pawh hna tha tak a hmu a, mahse zawm ta lovin Faculty of Management Studies, Delhi-ah MBA a zir zawm leh ta zawk a ni. IIM-ah pawh luh theihna chance nei mah se, a nu leh a paten Delhi chhuahsan lova a zir theihna tur an ngaihtuahpui avangin IIM-ah chuan a lut ta lo a ni.

IRS-ah a tling, sorkarin a hnawl

Kum 2010 khan Ira hian UPSC Civil Services Examination hmachhawnin a lo inziak tling tawh a. Mahse, a rank a that tawk loh avangin a third choice, IRS pek a ni. Tluang taka training zo felin, posting siamfel a nih dawn hnaihah Ministry of Finance atangin lehkha dengkhawng tak a dawng ta thut mai a. Pianphunga rual a ban lohna avangin eng post-ah mah dah theih a ni lo (she is not fit for any posting) an rawn ti ta tlat mai a. Finance Minister P. Chidambaram leh Commerce Minister hnenahte lehkha thehlutin, medical report a thil tel a, hna thawk tura a fit thu a sawi ve ngial na a, chhanlet a hlawh lo thung. A chanchin hriain Media lamahte hial a lang a, a harsatna chu chinfel a ni thei ta mai chuang lo a ni.

Related image

India rama rualbanlo maktaduai tel awm mekte tana model chhuanawm tak ni mek laka sorkar thiltih dan hi a mak hle. Mahse, heng zawng zawng hian Ira chu a ti beidawng chuang reng reng lova, fighter tha lehzualah a chhuah ta tlat zawk a. Central Administrative Tribunal-ah thubuai thehlutin sorkar chu a khing ta a, a chak zui ta nghe nghe a, kum 4 hnuah posting a nei ve thei ta a ni. Hetih chhung hian UPSC hi vawi 2 a hmachhawn leh a, vanduaithlak takin a hlawhtling lo hlauh thung. IRS a zawm a, hna a thawh tawh hnuah pawh IAS a tlin tumin UPSC Civil Service Exam hmachhawn turin theih tawpin a inbuatsaih zel a. A tawpah chuan a tum ber chu a tihlawhtling thei ta a. Physically handicapped zinga UPSC Civil Service Exam a topper ni thei hmasa ber a ni ta a ni. Kan hriat angin heng exam lianthamah pawh hian pianphunga rualbanlote tan reservation siam a ni zel a, mahse, Ira hi chuan heng reservation-te hi hmang duh lovin, General Category candidate angin he exam hautak tak hi a paltlang vek a ni.

Ira nu leh pate Rajendra leh Anita Singhal-te rilru hi a ropui khawp mai bawk. An fanu Ira a lo piang a, hun reilote-ah a rualban lohna a lo lang ta mai si a, an fanu, rualban lo chu eng dang mah tibuaitu awm lova buaipui a, vil chawt an duh avangin fa dang an neih loh phah hial a. An fanu IAS Topper a ni ta tih an hriat tirh chuan a pa phei chu a tap zawih zawih mai a ni. Hetiang taka fate tana inpe ngam nu leh pa a nei hi a hlawhtlinna kawnga thil pawimawh ber pakhat a ni awm e.

Aizawl khawpui leh a chhehvelah inhmun, huan lo ram i lei duh a nih chuan  HILLSGATE ESTATE AGENCY-ah ngaihven hmasa thin rawh!

Hillsgate Estate Agency-in inhmun leh ram a zawrhte reng reng hi a neitute chhiarna zat chiaha zawrh thin a ni a, Agency hian ram neitute atangin service charge 5% chiah a la thin. Inhmun leh ram zawrh tur neite tan pawh biak pawh theih reng kan ni e.  Please contact : 0389-2315406, 7005751162, 8259031226 

Coaching or No Coaching?

Ira hian a kaida engmah a la hriat loh avangin 2010-a UPSC exam a hmachhawn dawn khan coaching class a kal ve a. Hetih hunlai hian internet material a la tam loh avangin coaching kal hi a chhawr tangkai hle. Tunhnuah erawh chuan internet-ah material a tam tak em avangin coaching kal kher hi thil tul berah a ngai tawh lo thung. Amaherawhchu, mihring mizia a inan loh avangin mahni a zir thei lo tan chuan coaching kal tluk erawh chu awmin a hre lo.

“Kan chhungkuaah chuan pianphunga rualban lohna avanga harsatna hi chhuanlam a tling ve lo. Mi dangten target an siam ang bawkin target ka siam a, mite aia nasaa a ka beih a ngai a ni tih ka hre bawk. Mahni inrintawkna hi kan neih a ngai a ni. Mahni inrintawkna kan neih ngat chuan engmahin min dang thei ngai lo” a ti.

Preparation Strategy of Ira Singhal

“Thildanga inhambuaina awm thei reng reng pumpelh ka tum tlat thin”
“A basic atangin uluk takin ka zir a. NCERTs syllabus leh lehkhabute a rintlak zia ka hrechhuak. Uluk taka zir ngei ngei tur a ni”
“Online material-ah ka in nghat nasa hle”
“Topic pakhat zirchiang turin lehkhabu hrang hrang ka chhiar thin a. ka lehkhabu chhiar hote chu a pawimawh lai ka underline vek thin”
“Ngaihdan hrang hrang awm theite hriat ka duh avangin ka thiante nen thil kan sawiho nasa thin hle a, hei hian zirchianna kawngah min pui nasa hle”
“Nileng leng a lehkha zir thei chi ka ni lova, study plan ka siam ve theih dan chu darkar bituk lam ni lovin course pakhat uluk taka zirchhuah phawt thin hi a ni”
“Ka nuam tih zawngte tihna hun ka neih theih nan hunawl ka insiam thin”

Books referred by Ira Singhal for UPSC CSE Mains
Old NCERT Indian History.
Spectrum Modern India.
New NCERT Indian History.
New NCERT – India Since Independence.
Old NCERT World History.
Laxmikanth – Indian Polity.
Wizard – Science and Technology.
Lexicon – Ethics.

A thusawi pakhat ropui tak hian hnu khar ang aw…

“He ram hi ka ram a ni a, a hmasawn nana beih hi ka mawhphurhna a ni. A sir a lo thu a lo sawisel ringawt tur niin ka inhre lo”

Be the first to comment on "Rualbanlo, IAS Topper ni thei – IRA SINGHAL"

Leave a comment

Your email address will not be published.


*


This site uses Akismet to reduce spam. Learn how your comment data is processed.