Competitive Exam-ah Zirna In tha a zirte an hlawhtling tam bik

Aizawl May 9, 2018: Tunhnai kum engemawzat chhunga Mizoram atanga UPSC Civil Service a inziak tlingte chu phai lam background nei vek an ni.

Mizoram atanga IAS a inziak tling hnuhnung ber, Grace L.Pachuau, IAS d/o Vanhela Pachuau, IAS (Rtd) chu National Law School, Bangalore atanga zirchhuak a ni a, a hma chiaha inziak tling Saidingpuii Chhakchhuak, IAS pawh Presidency College, Kolkata atanga zirchhuak a ni bawk.

Hillsgate-in data hrang hrang a lakkhawm atanga a lan danin Mizoram Public Service Commission (MPSC) hnuaia MCS (Combined Competitive) Exam a inziak tlingte pawh phai lam background nei an ni deuh vek a. Mizoram chhunga zirchhuak awmchhunte pawh Delhi lama hun engemawchen Coaching class kal tawh an ni deuh zel a ni.

Tunhnaia Mizoram atanga UPSC exam inziak tling thenkhat leh an zirchhuahna te:

Hming leh Service Zirchhuahna(BA/MA/M.Phil)
B. Vanlalvawna, IFS DU/St.Stephen’s College, Delhi
Dr. Franklin Laltinkhuma, IAS RNT Medical College, Udaipur
Robert Lalchungnunga, IAS St. Edmund’s College, Shillong
L.Rinliana, IAS St. Stephen’s College, Delhi
Muanpuii Saiawi, IFS St. Xavier college, Mumbai
Rokhum Lalremruata, ICAS Hanj Raj College, Delhi
Dr.C. Vanlalramsanga, IES St. Anthony’s College, Shillong
Saidingpuii Chhakchhuak, IAS Presidency College, Kolkata
Lalmalsawma, IRS(IT) DU/Delhi School of Economics
Lalhmingmawia Ralte, IRS (custom) JNU, New Delhi
L. Beimopha, IRS (custom) St. Anthony’s college, Shillong
Rintei Renthlei, IRS(IT) St. Stephen’s College + JNU, Delhi
K.Lalbiakchhunga,IDAS JNU, New Delhi
R.Lalramdinpuii, IES Lady Keane College, Shillong
Grace L. Pachuau,IAS National Law School, Bangalore
Erick C. Lalawmpuia, IRS(custom) St.Edmund’s College, Shillong
Lalrinpuii Hrahselh, IDES Stella Maris college, Chennai
Samuel Vanlalngheta Pachuau, IFS YS Parmer university of Horticulture and Forestry, Solan, Himachal Pradesh

UPSC-in annual report a tihchhuah atanga a lan danin UPSC hnuaia Civil Service Exam a inziak tlingte zingah India rama Zirna in tha a chhal atanga zirchhuak an tam thin hle a. UPSC Annual reports atanga a lan danin kum 2013 UPSC Civil Service Exam a inziak tling 1122 zinga 398 chu India rama zirna in tha ber bera zirchhuak an ni a. Tin, heng mite hian position sang ber ber an hauh deuh zel bawk.

Zirna in tha zual zingah Delhi University atanga zirchhuak an tam hle a. Main exam a written paltlang thei pawh an tam ber. Tin, IIT hrang hrang atanga zirchhuakten UPSC-ah hlawhtlinna an chang nasa hle bawk. Delhi a Jawaharlal Nehru University (JNU) hi UPSC Civil Service hmachhawn tum tamtakte luh khawmna pakhat a ni bawk a, tling pawh an tam thin hle.

 

2013 UPSC exam a zirna in tha (top colleges/universities) hrang hrang atanga zirchhuakte hlawhtlin dan

Mizoram atanga UPSC Civil Service Exam a inziak tlingte zingah Mizoram a College leh a chunglam zirchhuak an awm meuh lo a, MPSC-ah erawh an awm nual thung.

Hillsgate-in UPSC leh MPSC a inziak tling engemawzat a kawm tawhna atanga a lan danin Mizoram atanga zirchhuakte hian Language (English)-ah harsatna an nei nasa bik a. Tin, Mizoram a College leh a chunglam zirte hian zirnaah leh Competitive exam hmachhawn tura an inbuatsaihna kawngah insawrbing an harsat bik hle bawk.