Chelsea leh Manchester United ten VAR an duh lo – Guardiola

Nimin khan Premier League club 20 kalkhawm chuan season thar (2018/19)-ah Video Assistant Referee (VAR) hmang lo turin thuthlukna an siam a, heihi Manchester City boss Pep Guardiola chuan pawi a tih thu a sawi.

Guardiola hian VAR hman chu Manchester City duhdan a nih thu a sawi a, mahse an elpui Manchester United leh Chelsea chu hman duh lo langsar an nih thu a sawi tel.

Guardiola chuan “England-ah chuah nilovin khawvel pumpui a referee te hian ṭanpui an mamawh a, thil thleng rang tak tak vangin thuthlukna siam an tan a harsa a ni.”

“Madrid a thilthleng khan ṭanpui an mamawh zia a tilang a, penalty pek tur leh pek loh tur kha an tan thuthlukna siam har tak a ni. Mahse anni (Chelsea leh Man United)  chuan hman an la duh lova, eng nge thleng dawn kan hre chho zel ang chu” tiin,  an elpui club lian pahnih chu VAR hmang lo tura thutlukna siam kawnga mawhphurhtu berah a puh a ni.