CAREERS IN POLITICAL SCIENCE

India ramah hian Politician hlawhtling tak ni turin Political Science lama thiamna neih kher hi thil pawimawh ber  a ni hauh lo a. Amaherawhchu, he Political Science subject-ah hian Politics khawvel leh Political system-a  thil pawimawh ber ber zirchianna chu a  awm si a ni.

Political science zirna huang chhungah hian public policies, national politics, economics, international relations, comparative politics, psychology, sociology, history, law, and political theory a tel vek a. He subject hian sorkar nihphung leh kalphung (political system) leh hnathawhna hrang hrangah hna pawimawh tak a thawk a ni. Political Science lam thiam tak chuan leadership quality pawh an nei tha nge nge an ti thin. He Course hi khawvel huap pawh a course lar tak niin, India rama Arts College-ah phei chuan a awm deuh vek ti ila kan tisual awm love.

Course Details :

Humanities subject dang ang bawkin Political Science hi zirna pengthuam hmasa ber, Higher Secondary School level-ah a duh tana lak mai theih tura chhawpchhuah a ni a. College lama he Subject la tur hian HSSLC pass a tawk a, mahse, duhthusamah chuan kan subject zir bing tur hi chu 10+2 ah hian lo zir lawk theih nise a tha (10+2-ah Pol. Sc lak a tha tihna anih chu).

Graduate hnuah Master Degree (MA Pol. Sc) a zawm theih a, chumi hnuah M.Phil, a duh tan  Ph.D thlengin a zir chhoh theih. Specialisation lamah pawh political economy, international relations and global politics, Indian politics and comparative politics, political theory, public policy and comparative politics leh public administration te a zir bing theih bawk.

Career Prospects :

Political Science a Bachelor leh Master Degree neite hian sorkar leh private sector lamah thawh tur tamtak an nei thei a. Politics lamah te, public administration lamahte, law lamah te leh Poltical Scientist an mamawhna line hrang hrangah hna a thawh theih a. Politics kaihhnawih thil Campaign management, polling leh electoral politics lamah te, University leh College lama zirtirtu hna te a thawh theih bawk. NGO lamah pawh chance a tha viau, UNO pawhin Political Scientist thiam tak chu an mamawh reng. Media lamah pawh Political Journalist leh Political Researcher/Analyst ang pawhin a thawh theih.  A duh tan Politics a la luhchilh leh zel theih bawk. Amaherawhchu, specialised subject dangte anga anmahni chauhin a dil theih hna an ngah lem lo .

Institutes Offering :

Sawi tawh angin India rama University lian tham chin chuan he Course hi an nei deuh vek a. Heng University/College-te hi han an belh tlak viau ang:

  1. Lady Shriram College for Women (LSR), Delhi-

http://lsr.edu.in/

  1. Loyola College Sterling Road, Nungambakkam, Chennai.

http://loyolacollege.edu/

  1. Christ College Hosur Road, Bangalore.   http://christuniversity.in
  2. St. Xavier’s College, Mahapalika Marg, Mumbai. http://xaviers.edu/main/
  3. Miranda House University of Delhi, Delhi. http://mirandahouse.ac.in/MirandaHouse/

6          Hansraj College Mahatma Hansraj Marg, Malkaganj, Delhi. http://www.hansrajcollege.ac.in/

7          Shri Ram College of Commerce http://www.srcc.edu/

  1. Hindu College, University of Delhi.

http://hinducollege.org/

  1. Ramjas College Delhi http://ramjascollege.edu/

10        Madras Christian College(MCC), Chennai

http://mcc.edu.in/

Be the first to comment on "CAREERS IN POLITICAL SCIENCE"

Leave a comment

Your email address will not be published.


*