Career in Computer Science

Information Technology lama hmasawnna nasa tak hian Computer industry hi khawvela industry thang chak berte zinga mi ah a hlang kai tawh a. Chutiang anih tak avang chuan Computer tihhmasawn zelna kawngah te, leh a hnathawhna kawng hrang hrangah Computer Engineering lama thiamna sang tak neite hi khawvel hmun hrang hrangah mamawhna a nasa ta hle a ni. Computer Engineering kan tih hian computer hnathawhna lama enchhinna leh designing thlengin a huam vek a. Computer hi engineering peng pakhat niin, computer-in a mamawh electrical engineering leh angle hrang hrang atanga Computer science zirna zawng zawng hi a huam vek a ni.

Computer hmanrua siamtu lam hi Computer hardware engineer an ti a, computer program lamkhawitu mithiam bikte hi computer software engineer an ti ve thung. An hnathawh pawh a hrang hlak a ni. Software Engineer in a programming te, documentation lam te an buaipui laiin Hardware Engineer chuan computer pawn lam landan siam hna hi an khawih ber ti ila a chiang mai awm e. Hardware Engineer-te hi electronic engineer pangngaite nen an hnathawh a inang deuh na a, anni chuan computer leh a kaihhnawih chauh an khawih thung.

Miin Computer Science/Engineering a zir dawn chuan  Software emaw, hardware emaw hi duhthlan tur a nei thin a, a pahnih pawh a zirkawp theih tho bawk.

Eligibility & Course Areas

Computer Science leh Engineering lama kal tum zirlai chuan Mathematics leh Science, a bikin Chemistry leh Physics an thiam hle a ngai a.Computer Engineer ni tur chuan Graduate degree (BE/B.Tech) emaw, postgraduate degree (M.E) emaw, a lo berah diploma in Computer Engineering a neih ngei a ngai a. Diploma in Computer Engienering-te hian public leh private sector lamah hna an thawk thei tawh a. Zirtirna lam hna thawh tum tan erawh chuan Master Degree neih a ngai thung.

Educational :

BE / B.Tech in Computer Engineering zir tur hian 10+2 emaw, a tlukpui passed,  Physics, Chemistry leh Mathematics subject la an nih  a ngai a. Diploma zir tur pawhin hetiang hi pass a ngai tho bawk. Associate Memberships of the Institution of Engineers (AMIE) hian ralchhan zirna te pawh an offer bawk thin. Hetianga Graduation an zawh hnu hian a duh tan chuan sawi tawh angin post graduate (M.E/ M.Tech) a zirzawm theih a. A duh tan chuan Ph.D thlengin a zir chhunzawm theih vek a ni.

Selection :

B.E/ B.Tech courses zir tum chuan inelna hautak tak an hmachhawn thin a, academic performance tha, board exam ah leh entrance exam a mark hmu tha tak nih a ngai a ni. Hetiang zir tum chuan Entrance exam hautak tak hmachhawn a ngai vek a. Pawisa nuai tamtak senga seat kan lei thei a nih si loh chuan he entrance exam hi tihmakmawh a ni.             Entrance Exam hi tunhma chuan chi hrang hrang a awm thin a. Tunhnuah erawh chuan India rama Engineering lam zirna zawng zawngte hman turin JEE buatsaih a ni ta a, JEE kaltlang veka admission tih a ni tawh a ni.

Master Degree (ME/ MTech) zir tumte tan IIT leh NIT te hian kumtin graduate zo tawhte tan GATE (The Graduate Aptitude Test in Engineering) a buatsaih thin bawk.

Duration :

BE / B.Tech courses in Computer Engineering hi kum 4  a ni a. Semester a thenin kum 4 chhung hian semester 98 a awm thin. ME/ M.Tech in Computer Engineering hi kum 2 (4 semesters) a ni bawk.

Personal skill:

Computer Engineer ni tur chuan technology lam thiam mi tak, mi creative tak, Mathematics leh Science-a tui tak nih a ngai a. Computer programming lama tui tak leh hardware/software lama tui tak leh hre tawk tak nih a ngai a ni.

Communication skill nei tha tak nih a ngai a, data tam tak tak khawih a ngaih avangin hetiang lama thluak chak tak leh thutlukna fing taka siam zung zung thei tur, thawhpui nuam leh a ngaihdan leh hmuhdan sawia ziak chhuak thiam tak nih a ngai bawk. Heng electrical and computer engineering subjects-electronics, electrical systems, computers, circuits, design and modeling lamte hi a bulthut atanga thiam hle a ngai a ni.

Job Prospects & Career Options

Computer engineering graduate,  percentage tha tak a pass leh communication skill nei tha te chu company lian tak takin an inchuh thin a. An hlawh pawh sang far far tak a ni. Computer Science Degree baka software chhuak thar ber berte zira training nei tha phei chu Software leh IT Company hrang hrangah an lut zung zung mai a ni. Company lian tak tak bakah University-ah te, research lamahte, sawrkar department hrang hrangah, sumdawng pawlah te, thilsiamchhuaktu lian tak takah te hna tamtak thawh tur a awm reng a ni.

Be the first to comment on "Career in Computer Science"

Leave a Reply

This site uses Akismet to reduce spam. Learn how your comment data is processed.

%d bloggers like this: