Career in Veterinary Science

Ransate hmangaih mi leh an hmathatna lam ngaihven tan chuan Veterinary Science hi Career duhawm tak a ni ngei mai. Khawvel changkang zelah nungchate duat nachang kan hre chho zel a. A bikin kan ran vulhte kan duatin, an hriselna atan chuan in senso kan ngam sawt hle. Hetiang hi kan tunlai dinhmuna nih chhoh tak avangin Veterinary Science lam hi career duhawm takte zinga mi a ni chho ta mek a ni.

Education

Veterinary Science zir tur hian Class XI leh XII-ah Science lak a ngai a. Entrance kaltlangin zir theih a ni. India ramah Veterinary Science lam zirna kan ngah loh avangin seat pawh a tam tawk lo hle a, chuvangin, a tui chilh tak tak, a zir duh tur tak tak tan chuan ngaihven a ngai khawp mai. Amaherawhchu, Veterinary Council of India (VCI) recognised institute ni lo a zir palh erawh a hlauhawm viau thung.

Veterinary Science hnuaiah hian course hrang hrang, Graduation atanga Ph.D thlenga zir theihna a awm a, chungte chu lo tarlang ila :

Bachelor Courses:

Bachelor of Veterinary Science & Animal Husbandry (B.V.Sc & AH) – 5 years

  1. Sc. in Animal Genetics and Breeding
  2. Sc. in Animal Production & Management
  3. Sc. in Veterinary Surgery & Radiology
  4. Sc. in Veterinary Medicine, Public Health & Hygiene

Master Courses:

Master of Veterinary Sc (M.V.Sc) – 3 years

  1. Sc in Veterinary Medicine
  2. Sc in Veterinary Pharmacology & Toxicology
  3. Sc in Veterinary Surgery & Radiology

Doctoral Courses:

Doctor of Philosophy (Ph.D) in Veterinary Medicine

Doctor of Philosophy (Ph.D) in Veterinary Pathology

Doctor of Philosophy (Ph.D) in Veterinary Pharmacology & Toxicology

Job opportunity:

Sawi tawh angin hetiang lama thiamna nei tan hian eizawnna tur a tam em em tawh a. Government sector-ah kher lo pawh, private pawhin eizawnna tur a tui tan chuan a tam thei hle a ni. Mi tamtak chuan hetiang lama thiamna neite hi ran doctor ni mai turah kan ngai a, mahse, he science huangchhungah hian ran doctor nih mai piah lam deuh hna tamtak a awm thei a. Chungte chu a chung lama kan tarlan course te khian a hril chiang viau awm e. A tui tan phei chuan agriculture lam kaihhnawih te, an chaw siam lamte, an chi inthlah chhawn dan zirna thlengin thawh tur a awm a ni.

Aquariums leh sahuan tamtakah hetiang lam thiamna neite mamawhna a nasa hle reng bawk. Sawi sen a ni lo ang.

Private Practice

Veterinary Science lama thiamna neite zinga za zela 80% velte hi chuan sorkar hnuaia thawh ai chuan private a practice an duh zawk zel niin report  ani a, a hlawk thawkhat tih a chiang hle. Private a practice tam zawk chuan mahni mai a che lovin, team angin dawr leh clinic-te siamin an thawk ho thin a ni. Heng private a eizawngte hian ran hriselna endikte, vaccine pek te, ran dam lo enkawlte, ran dam lo zai (surgery) lamte leh emercency care lamte an buaipui ber thin.

Mizoramah ngei pawh hetiang lama thiamna nei, private a eizawng, dawr leh clinic siam engemawzat an awm tawh a ni.

Institutes

India rama Veterinary Science zir theihna institute thenkhatte lo tarlang ila:

  1. ICAR- National Dairy Research Institute, Karnal
  2. ICAR-Indian Veterinary Research Institute, Bareilly
  3. Guru Angad Dev Veterinary and Animal Sciences University, Ludhiana
  4. Tamil Nadu Veterinary & Animal Sciences University, Chennai
  5. Maharashtra Animal & Fisheries Sciences University, Nagpur
  6. Lala Lajpat Rai University of Veterinary & Animal Sciences, Hisar
  7. West Bengal University of Animal & Fishery Sciences, Kolkata
  8. Kerala Veterinary & Animal Sciences University, Pookode
  9. Nanaji Deshmukh Pashu Chikitsa Vigyan Visva Vidyalaya, Jabalpur
  10. Rajasthan University of Veterinary & Animal Sciences, Bikaner