2018 World Cup Thlirletna

Kum 2018 FIFA World Cup chu thlakhat chhung an khelh hnuin July 15 (Sunday) zan khan khelh zawh a ni a, final-ah France chuan Croatia hnehin a vawihnih nan World Champion an ni.

Kum 4 dan zela an khelh thin FIFA World Cup hi kumin hi vawi 21 an khelhna chiah a ni a, World Cup an khelh tawh danga thleng ngai lo langsar leh hmuhnawm tak tak hmuh tur awmin, referee te pui tura an hman thar Video Assistant Referee (VAR) chuan boruak a nei lian hle. VAR hi field chhunga thil thleng, referee pangngai ten an hmuh mai loh emaw, thuthlukna dik zawk an siam theih nana duan a ni a, TV replay hmanga thil thlen dan ennawnin referee ten thutlukna an siam thin a ni.

VAR hian inkhel result tam tak tidanglamin, final thlengin thutlukna siamtuah hman a ni a, World Cup dang zawng aiin penalty pawh a tam hle. Mi thenkhatin VAR an duh loh thu sawi nasa hle mahse, FIFA chuan VAR hman chu a hlawhtlin thu an sawi thung a ni.

VAR tih loha langsar ber chu Neymar a ni daih a, Brazil chhuanvawr leh inghahna hi a tha lam zawnga lar loin, a tluk nasat em avang leh a tluk hnua a lehkual nasat theih em avangin a lar a, ‘Neymar Challenge’ tiin mi tam takin Neymar-a tluk der(?) dan vel hi an zir nasa hle!

Neymar…a na thei hle!

Khawmualpui hrang hrang atanga World Cup khel te (World Cup tan hmaa FIFA ranking-a an dinhmun nen):

Statistics

Entu tam ber: Ram 32 inelnaah hian a hawn nia a thleng tu Russia leh Saudi Arabia inkhel chu a hmuna entu tam ber an ni a, mi 78,011 lenna Luzhniki Stadium-ah seat awl awm miah loin an inhnawhkhat vek a ni.

Entu tlem ber: Group stage-a Uruguay leh Egypt inkhel kha mi 27,015 chiahin an en a, a hmuna entu nei tlem ber an ni.

Inhnehna nasa ber: Entu tam ber tuma Russia in Saudi Arabia 5-0 an an hneh kha inhnehna nasa ber a ni.

Goal luh tamna ber: Group stage match-ah Belgium in Tunusia 5-2 a an hneh kha match khata goal luh tamna ber a ni.

Chak zawn rei ber: Belgium chu match 5 chhung a zawnin an chak a, chak zawn rei ber an ni. Semi-final-ah French an hneh loh chiah kha chak loh an nei a, pathumna inchuhah England an hneh zui leh bawk.

Hneh loh nei lo: Champion team France hi World Cup khelh chhungin hneh thei an awm lova, group stage-a Denmark nen 0-0 a inhnehtawk kha an result chhe ber a ni.

Top Scorer

England striker Harry Kane chuan goal 6 thunin Golden Boot a dawng a, a team te palina anih pui bawk. Hetihlai hian Kane hian knockout stage chinah penalty vawikhat a pet goal bak goal a thun thei lova, goal 5 dang hi group stage-a Panama leh Tunisia laka a thun niin, goal ruk a thun zinga pathum hi penalty atanga a thun a ni.

Harry Kane hnuaiah hian goal 4 thun panga, Kylian Mbappe (France), Antoine Griezmann (France), Romelu Lukaku (Belgium), Denis Cheryshev (Russia) leh Cristiano Ronaldo (Portugal) te an awm bawk.

Best Player

Croatia captain Luka Modric chu World Cup khelh chhunga player tha ber atan thlan niin ‘Golden Ball’ chawimawina pek a ni a, final-ah a team te chak pui zo lo mahse a che velin entu mipui mit a ti tlai hle. Modrid hnuaiah hian Belgium pathumna nihpui tu Eden Hazard leh champion team an player pawimawh Antoine Griezman te top-3 ah an lang.

 

Best Young Player

Player naupang (kum 23 hnuailam) zinga a tha ber thlannaah chuhpuitu awm miah loin French forward Kylian Mbappe thlan a ni. Mbappe hi footballer ropui bera ngaih Brazillian Pele hnua, kum 20 tlin hmaa World Cup final-a goal thun thei hmasa ber a ni.

Best Goalkeeper

Kumin World Cup-ah hian Goalkeeper che tha tak tak an tam hle a, result an puan hmain tuin nge dawng ang tih rinthiam a har hle.! Golden Glove dawng tur an rawn puang a, a team te pathumna nihpui tu Belgium goalkeeper Thibaut Courtois chu a tha ber atan thlan a ni.

 

Prize money (Champion team pawisa dawn zat hi India pawisa chuan Rs. 2,60,74,65,000.00 zet a ni.)

  • Preparation fee (For all 32 teams) – £1.2million
  • 16 eliminated group stage teams – £6million
  • 8 eliminated round of 16 teams – £9million
  • 4 eliminated quarter-final teams – £12.1million
  • Fourth place team – £16.5million
  • Third place team – £18million
  • Runners-up – £21million
  • Winners – £29million

Tournament details
Host country Russia
Dates 14 June – 15 July
Teams 32 (from 5 confederations)
Venue(s) 12 (in 11 host cities)
Final positions
Champions  France (2nd title)
Runners-up  Croatia
Third place  Belgium
Fourth place  England
Tournament statistics
Matches played 64
Goals scored 169 (2.64 per match)
Attendance 3,031,768 (47,371 per match)
Top scorer(s) England Harry Kane(6 goals)
Best player Croatia Luka Modrić
Best young player France Kylian Mbappé
Best goalkeeper Belgium Thibaut Courtois
Fair play award  Spain